آلو پاپڑی چاٹ بنانے کی آسان ترکیب ملاحظہ کیجئے۔

درکار اجزاء: آلو آدھا کلو (چھوٹے)، پاپڑی ۶؍ عدد (چورا کی ہوئی)، دال سیو ایک پیکٹ، تیل ایک چوتھائی کپ، کڑی پتے آٹھ سے دس عدد، زیرہ ایک بڑا چمچہ، رائی آدھا چھوٹا چمچہ، نمک حسب ِ ذائقہ، لال مرچ ایک چوتھائی چھوٹا چمچہ، ہلدی ایک چھوٹا چمچہ، املی کا گودا ایک چوتھائی کپ، چاٹ مسالہ ایک چوتھائی چھوٹا چمچہ، ہری مرچ ۴؍ عدد۔
بنانے کا طریقہ: سب پہلے آلوؤں کو چھیل کر اُبال لیں۔ اب ایک فرائنگ پین میں ایک چوتھائی کپ تیل گرم کرکے اس میں کڑی پتہ، زیرہ اور رائی ڈال کر فرائی کریں۔ ساتھ ہی اس میں نمک، لال مرچ، ہلدی اور املی کا گودا ڈال کر تھوڑا بھونیں۔ اس کے بعد اس میں آلو، چاٹ کا مسالہ اور ہری مرچ شامل کرکے اچھی طرح مکس کریں اور پھر اُتار لیں۔ اب اسے ڈش میں نکال کر چورا کی ہوئی پاپڑی اور دال سیو ڈال کر پیش کریں۔