آج بنایئے عید کا خاص پکوان ’’بھنا ہوا گوشت۔‘‘ اس کی آسان ترکیب ملاحظہ کیجئے۔

درکار اجزاء: گوشت آدھا کلو، دہی آدھا کپ، ادرک لہسن کا پیسٹ ایک بڑا چمچہ، ہلدی پاؤڈر ایک چھوٹا چمچہ، تیل حسب ِ ضرورت، ثابت دھنیا ایک چھوٹا چمچہ، لیموں (رس نکال لیں) ۲؍ عدد، نمک حسب ِ ذائقہ، لال مرچ (کُٹی ہوئی) ایک چھوٹا چمچہ، زیرہ (کُٹا ہوا) ایک چھوٹا چمچہ، پیاز (باریک چوپ کی ہوئی) ۲؍ عدد، ہرا دھنیا اور ہری مرچ ۲؍ چھوٹے چمچے (چوپ کئے ہوئے)، کچری (پسی ہوئی) ایک بڑا چمچہ۔
بنانے کا طریقہ: سب سے پہلے گوشت میں دہی، نمک، کُٹی ہوئی لال مرچ، ہلدی پاؤڈر، زیرہ، ادرک لہسن کا پیسٹ، ثابت دھنیا، کچری، ہرا دھنیا اور ہری مرچ اچھی طرح لگا کرایک گھنٹہ رکھ دیں۔ اس کے بعد ایک سوس پین میں تیل گرم کرکے اس میں پیاز ڈال کر فرائی کریں اور اس کے بعد میرینیٹ کیا ہوا گوشت ڈال کر ہلکی آنچ پر پکائیں۔ جب گوشت گل جائے تو بھون کر سرونگ ڈش میں نکال لیں اور لیموں کا رس چھڑک دیں۔ لیجئے! ذائقہ دار بھنا ہوا گوشت تیار ہے، اسے چپاتی یا پراٹھے کے ساتھ نوش فرمائیں۔