ہرا مسالہ لوبیا بنانے کی آسان ترکیب ملاحظہ کیجئے۔

درکار اجزاء: سفید لوبیا ۲؍ پیالی، نمک حسب ِ ذائقہ، ادرک ایک انچ ٹکڑا، لہسن کے جوے ۳؍ عدد، ٹماٹر ۲؍ عدد، پسا ہوا ناریل ۲؍ بڑے چمچے، ثابت دھنیا اور سفید زیرہ، ایک ایک بڑا چمچہ، ہری مرچ ۶؍ سے ۸؍ عدد، ہرا دھنیا ایک گٹھی، تیل آدھی پیالی۔
بنانے کا طریقہ: ثابت دھنیا، زیرہ اور ناریل ہلکا سا بھون لیں اور ان کو ادرک، لہسن، ہرا دھنیا اور ہری مرچ کے ساتھ تھوڑا سا پانی ڈالتے ہوئے بلینڈر میں پیس لیں۔ لوبیا کو دھو کر گرم پانی میں ۱۵؍ سے ۲۰؍ منٹ بھگو کر رکھیں پھر درمیانی آنچ پر ۱۵؍ سے ۲۰؍ منٹ اُبال کر گلا لیں۔ کڑاہی میں تیل کو درمیانی آنچ پر گرم کریں اور اس میں بلینڈ کیا ہوا مسالہ ڈال کر اچھی طرح بھونیں۔ لوبیا اور نمک ڈال کر ملائیں اور کٹے ہوئے ٹماٹر ڈال کر ڈھانک کر ہلکی آنچ پر دم پر رکھ دیں۔ جب ٹماٹر گلنے پر آجائیں تو اتنی دیر بھونیں کہ تیل علاحدہ ہوجائے۔ ڈش میں نکال کر گرم گرم چپاتی کے ساتھ لطف اٹھائیں۔