میتھی کلیجی بنانے کی آسان ترکیب ملاحظہ کیجئے۔

درکار اجزاء: کلیجی ایک پائو، ادرک اور لہسن کا پیسٹ ایک، ایک چھوٹا چمچہ، تیل آدھا کپ، پسا ہوا زیرہ ایک چھوٹا چمچہ، گرم مسالہ ایک چوتھائی چھوٹا چمچہ، نمک کالی مرچ پاؤڈر اور ہری مرچ حسب ذائقہ، پیاز دو عدد، لال مرچ پاؤڈر ایک چھوٹا چمچہ، ہرا دھنیا حسب پسند، قصوری میتھی دو بڑے چمچے۔
بنانے کا طریقہ: کلیجی میں نمک اور سیاہ مرچ ملا کر پندرہ منٹ کیلئے چھوڑ دیں۔ اب کڑاہی میں تیل ڈال کر گرم کریں اور اس میں پیاز تل لیں۔ پیاز سنہری ہوجائے تو اس میں گرم مسالے کے علاوہ دیگر تمام مسالے شامل کریں، تھوڑا سا پانی ڈالیں اور اچھی طرح فرائی کریں۔ مسالہ اس وقت تک پکائیں کہ اچھی طرح گل جائے۔ درمیان پانی کے چھینٹے بھی دیتے رہیں۔ اب مسالے میں کلیجی شامل کریں اور چمچے سے چلاتے ہوئے اچھی طرح پکائیں۔ چند منٹ تک پکانے کے بعد چولہے سے اتار لیں۔ گرم مسالہ اور قصوری میتھی ملا دیں، اور ادرک کے باریک ٹکڑوں اور ہرے مسالے سے سجا کر پیش کریں۔