ناریل مرغ بنانے کی آسان ترکیب ملاحظہ کیجئے۔

درکار اجزاء:
حصہ اول: ایک عدد مرغ(ٹکڑے کئے ہوئے)، پاؤچمچہ ہلدی، ایک چمچہ ادرک، پونا چمچہ لہسن، ۳؍ عدد ٹماٹر (نمک ڈال کر پیس لیں)۔
حصہ دوم: ۱۰؍عدد تلی ہوئی کشمیری مرچ، ۲ ؍چمچے دھنیا(تلا ہوا)، پاؤچمچہ گرم مسالہ پاؤڈر، ایک عدد ہری الائچی، ۵۰؍ گرام خشخاش (بھُنی ہوئی)، پاؤ حصہ ناریل (کسا اور تلا ہوا)۔
حصہ سوم: پونا حصہ ناریل کا دودھ۔
بنانے کا طریقہ: پہلے حصے کی ساری چیزوں کو ایک ساتھ ملالیں اور انہیں پکائیں۔ اب دوسرے حصے کے سارے مسالوں کو ایک ساتھ پیس لیں۔ ایک برتن میں پہلا اور دوسرا حصہ آپس میں اچھی طرح ملا لیں۔ اب اس میں ناریل کا دودھ ڈال کر اچھی طرح دم دیں۔ تیار ہوگیا آپ کا ناریل چکن۔