پیزا سینڈوِچ بنانے کی آسان ترکیب ملاحظہ کیجئے۔

درکار اجزاء: بریڈ کے سلائس ۸؍ عدد، چکن بون لیس (چھوٹی بوٹیاں کیوبز میں) ایک پاؤ، پیاز، شملہ مرچ اور ٹماٹر ایک ایک عدد (کیوبز میں کاٹ لیں)، مکھن ۴؍ اونس، نمک حسبِ ذائقہ، کالی مرچ آدھا چھوٹا چمچہ، زیتون ۴؍ سے ۶؍ عدد (کٹے ہوئے)، اوریگانو پاؤڈر ایک چھوٹا چمچہ، چیز ایک کپ (کدوکش کی ہوئی)، لال مرچ آدھا چھوٹا چمچہ (کُٹی ہوئی) اور پیزا سوس آدھا کپ۔
بنانے کا طریقہ: سب سے پہلے سلائسز پر مکھن لگا کر رکھ دیں۔ پھر ایک پیالے میں تمام اجزاء ڈال کر اچھی طرح مکس کرلیں۔ اب بریڈ کے ایک سلائس کو ٹوسٹر پر رکھیں اور درمیان میں فلنگ بھر کر دوسرا سلائس رکھ دیں۔ پھر اسے ۵؍ منٹ کے لئے ٹوسٹ کر لیں۔ باقی سلائسز بھی اسی طرح تیار کرلیں۔ لیجئے ذائقہ دار پیزا سینڈوِچز تیار ہیں۔ کیچپ کے ساتھ لطف اٹھائیں۔