ایک سال قبل امریکی ٹینس اسٹار کوکو گاف فلشنگ میڈوز میں شدید مشکلات سے دوچار تھیں۔ وہ ۲۰۲۵ء یو ایس اوپن سے چند روز قبل اپنی ٹیم میں شامل کیے گئے سروس کوچ گیون میک ملن کے ساتھ بارش میں سروس کی مشق کر رہی تھیں اور ۲۱؍ سال کی عمر میں ہی ایسا محسوس ہو رہا تھا کہ ان کا کریئر مشکلات میں گھِر گیا ہے۔

ایک سال قبل امریکی ٹینس اسٹار کوکو گاف فلشنگ میڈوز میں شدید مشکلات سے دوچار تھیں۔ وہ ۲۰۲۵ء یو ایس اوپن سے چند روز قبل اپنی ٹیم میں شامل کیے گئے سروس کوچ گیون میک ملن کے ساتھ بارش میں سروس کی مشق کر رہی تھیں اور ۲۱؍ سال کی عمر میں ہی ایسا محسوس ہو رہا تھا کہ ان کا کریئر مشکلات میں گھِر گیا ہے۔ تاہم گاف نے ہمت نہیں ہاری اور جدوجہد کرتے ہوئے چوتھے راؤنڈ تک رسائی  کی۔ اگرچہ جاپان کی ناؤمی اوساکا کے ہاتھوں شکست کے باعث ان کا یہ سفر کسی خوابناک انجام تک نہیں پہنچ سکا، لیکن انہوں نے ثابت کر دیا کہ ان میں ابھی بہت کچھ کرنے کی صلاحیت باقی ہے۔

Home crowd. Home Slam. ✅

Coco Gauff is through to the second round of the US Open 🇺🇸#USOpen pic.twitter.com/W3RbFHvWJN

— Roland-Garros (@rolandgarros) September 2, 2026

یہ بھی پڑھئے:سوَرا بھاسکر کا وضاحتی بیان: ’’میں نے رانی پدماوتی کو کبھی بزدل نہیں کہا‘‘

کئی اعتبار سے وہ ایک ایسے کیٹرپلر کی مانند تھیں جو فطرت کی خوبصورت ترین مخلوقات میں سے ایک کی شکل میں نئے جنم کا انتظار کر رہا ہو۔ ان کی سروس بے ترتیب، اعتماد کمزور اور تکنیک مؤثر ہونے کے باوجود کچھ غیر پختہ محسوس ہوتی تھی۔گاف نے ۲۸؍ اگست کو ایک پریس کانفرنس میں کہاکہ میں اپنے سیزن کے شاید سب سے اہم ٹورنامنٹ سے قبل ایک بڑی تبدیلی کر رہی تھی اور اس کا کافی دباؤ تھا، لیکن مجھے خوشی ہے کہ میں نے یہ فیصلہ کیا۔  ان تبدیلیوں کے بعد موسم بہار کے سیزن میں ان کی کارکردگی میں بہتری آئی، تاہم وہ کوئی بڑی کامیابی حاصل نہ کر سکیں۔ کوارٹر فائنل اور سیمی فائنل میں شکستوں اور فائنل میں ناکامیوں کا سلسلہ جاری رہا۔انہوں نے کہاکہ میں نتائج کو بہت زیادہ اہمیت دیتی ہوں کیونکہ میں بہت مسابقتی اور پرفیکشنسٹ ہوں۔ میں نے محسوس کیا ہے کہ جب بھی میں نے کسی ٹورنامنٹ میں اچھا کیا، تب میں نے ایک قدم پیچھے ہٹ کر صرف کھیل سے لطف اندوز ہونے پر توجہ دی۔ ۲۰۲۶ء یو ایس اوپن سے چند ہفتے قبل سنسناٹی اوپن کا خطاب جیتنے کے بعد، گاف بالآخر دباؤ، خود اعتمادی کی کمی اور سروس کے مسائل سے نکلتی دکھائی دیں۔ یکم ستمبر کو آرتھر ایش اسٹیڈیم میں ترکیہ کی زینب سونمیز کے خلاف کورٹ پر اترتے ہوئے انہوں نے گویا اپنے پر پھیلائے اور ایک نئے سفر کا آغاز کیا۔