راجستھان کے سابق وزیرا علیٰ اشوک گہلوت نے حکومت پر الزام عائد کیا کہ ساکشی ملک اور بجرنگ پونیا کا اپنے میڈل لوٹانا بی جے پی کی خواتین کی حفاظت کے تئیں بے حسی کو ظاہر کرتا ہے۔ ساکشی ملک کے بعد بجرنگ پونیا کے پدم شری ایوارڈ واپس کرنے کے فیصلے نے بی جے پی کے ارادوں پرسوال کھڑے کر دیئے ہیں۔ بی جے پی نے خاتون پہلوانوں کے انصاف کے مطالبے کو جس طرح نظر انداز کیا وہ قابل ملامت ہے۔

راجستھان کے سابق وزیر اعلیٰ اشوک گہلوت نے الزام عائد کیاکہ پہلوانوں ساکشی ملک اور بجرنگ پونیا کا میڈل واپس کرنا بی جے پی کی خواتین اور ان کی حفاظت کے تئیں بے حسی کا پردہ فاش کرتا ہے۔ گہلوت نے اپنے ایکس اکاؤنٹ کے ذریعے کہا کہ پہلے ساکشی ملک کے استعفیٰ کا اعلان کرنا جنہوں نے میڈل جیت کر ملک کا روشن کیا اور اب بجرنگ پونیا کا اپنا پدم شری ایوارڈ واپس کرنا۔

पहले मेडल लाकर देश का नाम ऊंचा करने वाली बेटी साक्षी मलिक का संन्यास लेना और अब बजरंग पूनिया का पद्मश्री लौटाना पहलवान बेटियों के इंसाफ की लड़ाई में भाजपा की नीयत पर बड़ा प्रश्नचिन्ह लगाता है।

इस मामले में भाजपा द्वारा प्रदर्शित की जा रही दुर्भावना व पीड़ितों की मांगों की…

— Ashok Gehlot (@ashokgehlot51) December 22, 2023

ان سب نے خاتون پہلوانوں کیلئے انصاف کی جنگ کےدوران بی جے پی کے ارادوں پر سوال کھڑے کر دیئے ہیں۔ بی جے پی نے اس معاملے میں جو بد نیتی دکھائی اور متاثرین کے انصاف کے مطالبے کو جس طرح نظر انداز کیا وہ افسوسناک اور قابل ملامت ہے۔واضح رہے کہ ٹوکیو اولمپک برونز میڈل یافتہ پہلوان بجرنگ پونیا نےسنجے سنگھ کے کشتی فیڈریشن کےصدر منتخب ہونےکے خلاف احتجاجاً اپنا پدم شری ایوراڈ وزیر اعظم نریندر مودی کو واپس کر دیا ہے۔

یہ بھی پڑھئے: ’’خاتون پہلوانوں پر مظالم کیلئے مودی حکومت ذمہ دار‘‘

سنجے سنگھ کے کشتی فیڈریشن کے صدر منتخب ہونے کے بعد بجرنگ پونیا، ساکشی ملک اور ونیش پھوگاٹ نے ایک پریس کانفرنس کا انعقاد کیاتھا جس میں ساکشی ملک نے اپنے استعفیٰ کا اعلان کیا تھا اور اپنا اولمپک برونز میڈل واپس کر دیا تھا۔ 
یادرہے کہ متعدد ٹاپ پہلوانوں جن میں ساکشی ملک ، بجرنگ پونیا اور ونیش پھوگاٹ شامل ہیں ، نے امسال بی جے پی ایم ایل اے برج بھوشن شرن سنگھ کے خلاف احتجاج شروع کیاتھا جن پر خاتون پہلوانوں کے خلاف جنسی ہراسانی کا الزام ہے۔