رونا وائرس کو پھیلنے سے روکنے کیلئے لگائے گئے لاک ڈاؤن میں کاروبار بند ہونے سے غریب تو غریب متوسط طبقہ کے خاندانوں سے تعلق رکھنے والے لوگ بھی بے روزگاری سے پریشان ہیں۔

کورونا وائرس کو پھیلنے سے روکنے کیلئے لگائے گئے لاک ڈاؤن  میں کاروبار بند ہونے سے غریب تو غریب متوسط طبقہ کے خاندانوں سے تعلق رکھنے والے لوگ بھی بے روزگاری سے پریشان ہیں۔
 ایسے میںلوگوں کی پریشانیوں کو کم کرنے اور زیادہ سے زیادہ لوگوں کو عید کی خوشیوں میں شامل کرنے کیلئے کانگریس کی مقامی اکائی کی جانب سے  راشن کٹ تقسیم کرنے کا سلسلہ بدھ سے شروع کیا ہےجس میں چاول،دال ،آٹا، شکر، تیل، سیوئیاں اور دوسری اشیاء شامل ہیں۔
 اس سلسلے میںکانگریس کے مقامی صدر عبدالرشید طاہر مومن نے بتایا کہ کورونا وائرس کے سبب ملک میں نافذ لاک ڈاؤن نے عام زندگی کو بری طرح متاثر کیاہے۔ یومیہ اجرت پر کام کرنے والے ہزاروں مزدور بے روزگار ہوگئے ہیں،رکشا ڈرائیور اور دوسرے افراد روزی روٹی کو لیکرپریشانیوں میں مبتلا ہیں۔ان مسائل کو دیکھتے ہوئے کانگریس نے شہر میں ضرورت مندوں کو راشن کٹ تقسیم کرنے کا فیصلہ کیا ہے۔انہوں نے کہا کہ کانگریس کی خواہش ہے کہ عید کے موقع پرضرورت مندافراد تک عیدکی خوشیاں پہنچانے کی کوشش کی جائے ۔