بہار کے وزیر صحت منگل پانڈے نے ریاست کے لوگوں سے کورونا وائرس سے خوف زدہ نہ ہونے کی اپیل کی ہے۔
EPAPER
Updated: March 05, 2020, 11:36 AM IST | Agency | Patna
بہار کے وزیر صحت منگل پانڈے نے ریاست کے لوگوں سے کورونا وائرس سے خوف زدہ نہ ہونے کی اپیل کی ہے۔
پٹنہ: بہار کے وزیر صحت منگل پانڈے نے ریاست کے لوگوں سے کورونا وائرس سے خوف زدہ نہ ہونے کی اپیل کی ہے۔ ان کا کہنا ہےکہ اس معاملے میں حکومت نہ صرف سنجیدہ ہے بلکہ وائرس کے ممکنہ خطرات سے نمٹنے کیلئے پوری طرح سے محتاط اور اہل بھی ہے ۔ بدھ کو منگل پانڈے نے یہاں کہاکہ محکمۂ صحت کی تمام مشتبہ افراد پر سخت نظر ہے ۔ محکمہ آزاد طریقے سےمعاملے کی نگرانی کر رہا ہے اور مرکزی حکومت کے رابطے میں ہے ۔ انہوں نے ریاست کے لوگوں سے اپیل کی کہ کورونا وائرس سےگھبرانے کی ضرورت نہیں ہے کیونکہ اس معاملے میں حکومت ممکنہ خطرات سے نمٹنے کیلئے ہر طرح سے تیار ہے ۔ وزیر صحت نے کہاکہ پٹنہ ہوائی اڈہ پر ڈاکٹروں کی ٹیم باہر سے آنے والے مسافروں کی جانچ میں مصروف ہے اور اب تک ۱۷؍ ہزار ۱۸۷؍لوگوں کی اسکریننگ کی گئی ہے ۔انہوں نے کہاکہ ہند۔ نیپال سرحد ی علاقوں میں ایسے لوگوں کی جانچ کی جارہی ہےجن کے تعلق سے خبر ہے کہ انہوں نے دیگر ریاستوں کا سفر کیا ہے یا سرحد کے اس پار سے آئے ہیں ۔ واضح رہے کہ ایک روز قبل ہی بہار کی پڑوسی ریاست یوپی میں کورونا وائرس کے ۶؍ پائے گئے ہیں۔