ممبرااور کوسہ میں بی ایل او کے ذریعے اسکولوں میں بیٹھ کر میپنگ کرنے کی مہم ۱۰؍ اپریل تک چلائی جارہی تھی لیکن عوامی نمائندوں کی درخواست اور ووٹر کی بھیڑ کو دیکھتے ہوئے اس مہم میں توسیع کر دی گئی ہے۔ اب ۲۰؍ اپریل تک بی ایل او ان کے مراکز پر بیٹھیں گے۔

الیکشن کمیشن آف انڈیا (ای سی آئی) کی جانب سے مہاراشٹر میں ووٹر لسٹ کی باریکی سے جانچ کرنے کیلئے’ اسپیشل انٹینسیو ریویژن (ایس آئی آر ) ‘ ہونے والا ہے، اس سے قبل ووٹر کی مپنگ کرنے کا کام شروع کیا گیا ہے۔ ممبرااور کوسہ میں بی ایل او کے ذریعے اسکولوں میں بیٹھ کر میپنگ کرنے کی مہم ۱۰؍ اپریل تک چلائی جارہی تھی لیکن عوامی نمائندوں کی درخواست اور ووٹر کی بھیڑ کو دیکھتے ہوئے اس مہم میں توسیع کر دی گئی ہے۔ اب ۲۰؍ اپریل تک بی ایل او ان کے مراکز پر بیٹھیں گے۔ یہ اعلان ۱۴۹؍ممبرا کلوا اسمبلی حلقہ ووٹر رجسٹریشن آفیسر سندیپ تھوراٹ نے کیا ہے۔ 
اس سلسلے میں سندیپ تھوراٹ کی جانب سے ۹؍ اپریل کو ایک لیٹر جاری کیا گی ہے جس میں کہا گیا ہے کہ ممبرا کلوا اسمبلی حلقہ میں کل۴۰۹؍پولنگ اسٹیشن اور ممبرا ڈویژن میں ۲۲۱؍پولنگ اسٹیشن ہیں۔ اس وقت ایس آئی آر۔ ای آر ۲۰۰۲ءکے ڈیٹا میپنگ کا کام جنگی بنیادوں پر جاری ہے۔ ممبرا کوسہ علاقہ کے ووٹر اس کیمپ میں آکر اپنی میپنگ مکمل کررہے ہیں۔ تاہم ممبرا اور کلوا میں کیمپوں کی ڈیڈ لائن۲۰؍ اپریل تک بڑھانے کے احکامات جاری کئے گئے ہیں تاکہ زیادہ سے زیادہ ووٹر اس سے استفادہ کر سکے۔ افسر نے متعلقہ ووٹروں سے اس مہم سے استفادہ کرنے کی اپیل کی ہے۔