راشٹر کے وزیراعلیٰ ادھو ٹھاکرے نے پیر کوکورونا سے تحفظ کا ماسک پہننے ہوئے قانون ساز کونسل کی رکنیت ( ایم ایل سی) کاحلف لیا

مہاراشٹر کے وزیراعلیٰ ادھو ٹھاکرے نے پیر کوکورونا سے تحفظ کا ماسک پہننے ہوئے قانون ساز کونسل کی رکنیت ( ایم ایل سی) کاحلف لیا ۔پہلی مرتبہ شیو سینا چیف ایم ایل سی بنے ہیں ۔ ادھو ٹھاکرے اپنے بیٹے آدتیہ ٹھاکرے کے بعد چناؤ میں حصہ لینے والے ٹھاکرے خاندان کے دوسرے ممبر بن گئے  ہیں۔اسی کے ساتھ مہاراشٹر کی مہا وکاس اگھاڑی حکومت میں ان کا وزیر اعلیٰ کا عہدہ اب محفوظ ہو گیا ہے۔
  ادھو کے ساتھ ہی دیگر ۸ ؍ اراکین نے بھی ودھان بھون میں عہد لیا۔سبھی ۹؍ لیڈران ۱۴؍ مئی کو بلا مقابلہ ایم ایل سی منتخب ہوگئے تھے۔   واضح رہے کہ ایم ایل سی کی ۹؍ سیٹوں کیلئے ۹؍ ہی امیدوارمیدان میں تھے جس کی وجہ سے ووٹنگ کی ضرورت نہیں پڑی۔حلف لینے والوں میں شیو سینا کی جانب سے ادھو ٹھاکرے اور قانون ساز اسمبلی کی سینئر رکن نیلم گورےشامل ہیں۔ ان کے علاوہ بی جے پی کے جن ۴؍امیدواروں نے ایم ایل سی کا حلف لیا ہے ان میں گوپی چند پڈالکر ،پروین دٹکے ،رنجیت سنہ موہیتے پاٹل اور رمیش کراڈ شامل ہیں ۔ این سی پی کی جانب سے ششی کانت شندے اور امول مٹکری جبکہ کانگریس کے راجیش راٹھور  نے قانون ساز کونسل  کی رکنیت کا حلف لیا۔  یاد رہے کہ الیکشن ملتوی ہوجانے اور گورنر کے ذریعہ اُدھو کو نامزد کرنے سے انکار کے بعد  مہاراشٹر سرکار پر بے یقینی کے بادل چھا گئے تھے مگر اُدھو نے مودی کو فون کرکے اس مسئلے کو حل کروالیا۔