ان کا ایگرا بھی جانے کا منصوبہ ہے جہاں گزشتہ ہفتہ پٹاخہ فیکٹری میں دھماکہ کی وجہ سے۹؍فراد کی موت ہوگئی تھی

وزیرا علیٰ ممتا بنرجی سنیچر کو مدنا پور ضلع کا دورہ کریں گی۔ اس دورے کے دوران وہ ایگرا بھی جائیں گی جہاں گزشتہ ہفتہ پٹاخہ فیکٹری میں دھماکہ کی وجہ سے۹؍فراد کی موت ہوگئی تھی۔ممتا بنرجی ترنمول کانگریس کے جنرل سیکریٹری ابھیشیک بنرجی کےعوامی رابطہ مہم میں بھی شامل ہوں گی۔ممتا بنرجی شالبونی میں عوامی تقریب سے خطاب کریں گی۔۱۶؍ مئی کو ایگرا کے کھڈیکول میں ایک غیر قانونی سٹے بازی فیکٹری میں خوفناک دھماکہ ہوا۔ اس واقعے میں کم از کم۹؍ افراد ہلاک ہوئے تھے۔ اس واقعے کے بعد سے ہی یہ خبرآرہی تھی کہ وزیر اعلیٰ ممتا بنرجی ایگرا کا دورہ کریں گی ۔چوں کہ ممتا بنرجی کے نیتی آیوگ کی میٹنگ میں شرکت کا امکان تھا اس لئے اس سے متعلق کوئی حتمی پروگرام نہیں بن رہا تھا۔چوں کہ ممتا بنرجی نے نیتی آیوگ کی میٹنگ میں شرکت نہیں کرنے کا فیصلہ کیا ہے ۔اس لئے اب ایگرا جانے کا پروگرام بن گیا ہے۔ایگرا میں دھماکے کے بعد ریاستی وزیر ماحولیات مانس بھوئیاں اور راجیہ سبھا کی رکن پارلیمنٹ ڈولا سین نے علاقے کا دورہ کیا تھا ۔انہیں احتجاج کا سامنا کرنا پڑا تھا۔اپوزیشن لیڈر شوبھندو ادھیکاری پہلے ہی وہاں سیاسی پروگرام منعقد کرنے جا چکے ہیں۔ ترنمول کانگریس پنچایت اور لوک سبھا انتخابات سے قبل مشرقی مدنا پور ضلع میں بی جے پی کو مواقع دینے کے حق میں نہیں ہیں۔ اس لیے وزیر اعلیٰ دھماکے کی جگہ کا دورہ کر کے حالات کو اپنے کنٹرول میں لانا چاہتی ہیں۔
 دوسری طرف ترنمول کانگریس کے آل انڈیا جنرل سیکریٹری اور وزیر اعلیٰ اسی دوپہر کو عوامی رابطہ یاترا کے ایک اسٹیج پر دوبارہ ایک ساتھ نظر آئیں گے۔ پچھلے مہینے شمالی بنگال کے انگریز بازار میں ان کی مشترکہ میٹنگ ہوئی تھی۔انگریزی بازار، مالدہ میں اس میٹنگ سے وزیر اعلیٰ نے کہا کہ وہ عوامی رابطہ یاتراکے آخری حصے میں دوبارہ حصہ لیں گی۔