فائرنگ کی آوازیں بھی سنی گئیں،گیسٹ ہائوس میں چین سے آنے والے حکام اور شہری قیام کرتے ہیں
EPAPER
Updated: December 13, 2022, 11:22 AM IST | Kabul
فائرنگ کی آوازیں بھی سنی گئیں،گیسٹ ہائوس میں چین سے آنے والے حکام اور شہری قیام کرتے ہیں
افغانستان کے دارالحکومت کابل میںواقع چینی حکام کےگیسٹ ہائوس کےنزدیک زوردار دھماکے کی آواز سنی گئی جس کے بعد سے فائرنگ کی مسلسل آوازیں بھی آرہی ہیں۔عالمی خبر رساں ادارےاے ایف پی کے مطابق افغان دارالحکومت کابل ایک بار پھر دھماکے سے گونج اُٹھا۔ دھماکے کا مقام چین کے حکام کا مہمان خانہ ہے جہاں چین سے آنے والے حکام اور شہری قیام کرتے ہیں۔دھماکہ اتنا زوردار تھا کہ اُس کی آواز دور دور تک سنی گئی۔ دھماکے کی جگہ سے اب بھی مسلسل فانرنگ کے تبادلے کی آوازیں آرہی ہیں۔
طالبان حکام اورایمبولینسوں کو دھماکے کی جگہ جاتےہوئے دیکھا جا سکتا ہے۔ تاحال دھماکے کی نوعیت اور وجہ کا تعین نہیں ہوسکا ہے۔تاحال کسی گروپ نےحملےکی ذمہ داری قبول نہیں کی تاہم گزشتہ برس اگست کے وسط میں طالبان کے حکومت سنبھالنے کے بعد سے ہونے والے خود کش حملوں اور بم دھماکوں میں داعش خراسان ملوث رہی ہے۔واضح رہے کہ اس سے قبل پاکستان کے سفارت خانےمیںسفارت کارپرقاتلانہ حملہ کیا گیا تھا تاہم ان کے محافظ نےحملہ آور کے آگے آڑ بن کر سفات کار کو بچالیا تھا لیکن خود شدید زخمی ہوگیا۔