یورپی کونسل اور یورپی پارلیمنٹ نے روسی قدرتی گیس کی درآمدات کو۲۰۲۷ء تک اورمرحلہ وار شکل میں، ختم کرنے کے لیے ایک عارضی معاہدے پر اتفاق کرلیا ہے۔

یورپی کونسل اور یورپی پارلیمنٹ نے روسی قدرتی گیس کی درآمدات کو۲۰۲۷ء تک اورمرحلہ وار شکل میں، ختم کرنے کے لیے ایک عارضی معاہدے پر اتفاق کرلیا ہے۔ 
کونسل کے بدھ کوجاری کردہ  بیان کے مطابق معاہدہ  روس سے مائع گیس ایل این جی اور  بذریعہ پائپ لائن قدرتی گیس کی درآمدات پر قانونی طور پر مرحلہ وار پابندی نافذ کرتا ہے۔ مکمل پابندی بالترتیب ۲۰۲۶ء کے اختتام اور موسمِ خزاں ۲۰۲۷ء سے عائد ہوگی۔‘‘ عارضی معاہدے کا مقصد ایک مضبوط اور خودمختار یورپی یونین توانائی منڈی قائم کرنا ہے۔ 

یہ بھی پڑھئے:آپ کو برطرف کیا جا سکتا ہے۔ روی شاستری نے گوتم گمبھیر کو خبردار کیا

بیان میں کہا گیا ہے کہ ’’ہم قانون ساز  تصدیق کرتے ہیں کہ روسی پائپ لائن گیس کی اور ایل این جی کی درآمدات، ضابطے کے نافذالعمل ہونے سے چھ ہفتے بعد ،ممنوع ہو جائیں گی۔فی الوقت جاری معاہدوں کے لیے ایک منتقلی مدّت  طے کی جائے گی ۔ ضابطے کے تحت تمام رکن ریاستوں کو اپنے قومی متنّوع منصوبے جمع کروانا ہوں گے۔ ان منصوبوں میں متعلقہ ممالک کو اپنی گیس فراہمی کے وسائل کو متنّوع کرنے کے طریقوں کی اور متوقع مشکلات کی وضاحت کرنا ہو گی تاکہ معّینہ  مدت کے اندر تمام روسی گیس درآمدات ختم کی جا سکیں۔ 
بیان میں مزید کہا گیا ہے کہ ’’ یہ معاہدہ کمیشن کی نگرانی کو مضبوط بناتا ہے اور رکن ممالک  سے، ضابطے کے نفاذ کے بعد ایک ماہ کے اندر اندر  ،کمیشن کو اپنے روسی گیس سپلائی معاہدوں  یا قومی قانونی پابندیوں سے آگاہ کرنے کا مطالبہ کرتا ہے ۔کونسل اور پارلیمنٹ نے معاہدے کی التوا شق کو برقرار رکھا ہے۔ یہ شق، ایک یا زیادہ رکن ممالک کو توانائی کی فراہمی میں  خطرے کی صورت میں، معاہدے کو وقتی طور پر معطل کرنے کی اجازت دیتی ہے۔

یہ بھی پڑھئے:فلم ’’دُھرندھر‘‘: سینسر بورڈ سے پاس، کیا رنویر کی دو سال کی محنت کامیاب ہوگی؟

کمیشن کے درآمدی  پابندی اٹھانے کی شرائط سے متعلقہ  قوانین بھی سخت کیے گئے ہیں۔ درآمدی پابندی کی کالعدمی صرف سخت ضروری  حالات میں یا کسی رکن ملک کےہنگامی حالت کا اعلان کرنے کی صورت میں مختصر مدت کے لیے اور عارضی سپلائی معاہدوں کے لیے محدود رکھی گئی ہے۔  اس عارضی معاہدے کے باقاعدہ  نفاذ  سے پہلے کونسل اور پارلیمنٹ کی منظوری درکار ہے۔