کسانوں کے دہلی چلو آندولن کے حوالے سے آج کانگریس کے جنرل سیکریٹری جے رام رمیش نے مودی حکومت پر تنقید کرتے ہوئے کہا کہ بی جے پی وعدہ کرنے کے باوجود کسانوں کے مطالبات کیوں نہیں مان رہی ہے؟ دعویٰ کیا کہ کسانوں کا مودی حکومت سے بھروسہ اٹھ گیا ہے۔ راہل گاندھی نے کہا کہ کسانوں کے تئیں مودی حکومت کے آمرانہ رویہ نے جمہوریت کو شرمندہ کر دیا ہے۔

کسانوں کے احتجاج پر نشانہ بناتے ہوئے کانگریس نے بی جے پی پر سوال قائم کیاہے کہ وہ کیوں ایم ایس پی پر قانونی گارنٹی دینے سے بھاگ رہی ہے جبکہ اس نے کسانوں سے اس کیلئے کئی مرتبہ وعدے کئے ہیں۔ کانگریس نے دعویٰ کیا کہ کسانوں کا مودی حکومت پر سے بھروسہ اٹھ گیاہے۔
کانگریس کے لیڈر راہل گاندھی نے بھی ان کسانوں سے بات چیت کی ہے جو پولیس کی کارروائی کے نتیجے میں زخمی ہوئے ہیں۔راہل گاندھی نے الزام عائد کیا کہ مودی حکومت کا کسانوں کے ساتھ آمرانہ رویہ ہے۔جے رام رمیش نے اپنے ایکس پوسٹ میں لکھا ہے کہ مودی حکومت کیوں کسانوں کو ایم ایس پی پر قانوی گارنٹی دینے سے گھبرا رہی ہے جبکہ اس نےکسانوں سے وعدہ کیا ہے۔

बार-बार वादा करने के बावजूद मोदी सरकार एमएसपी को कानूनी गारंटी देने से क्यों भाग रही है?

▪️2011 में मुख्यमंत्री और एक कार्यकारी ग्रुप के अध्यक्ष के रूप में नरेंद्र मोदी ने तत्कालीन प्रधानमंत्री मनमोहन सिंह को एक रिपोर्ट सौंपा था, जिसमें कहा गया था कि *"हमें किसान के हितों की… pic.twitter.com/O2q9DdXwZ5

— Jairam Ramesh (@Jairam_Ramesh) February 14, 2024

انہوں نے مزید لکھاہے کہ ۲۰۱۱ء میں نریندر مودی نے، گجرات کے وزیر اعلیٰ اور روکنگ گروپ کے چیئر مین کے طورپر، اس وقت کے وزیر اعظم منموہن سنگھ کو ایک رپورٹ پیش کی تھی جس میں کہا گیا تھا کہ کسانوں کے تحفظ کے مفادات کیلئے ہمیں قانونی دفعات کے ذریعے یہ یقین دہانی کروانی ہو گی کہ کسان اورتاجر کے درمیان ایم ایس پی سے نیچے کوئی بھی لین دین نہیں ہوگا۔
انہوں نے اپنی بہت سے تقاریر اور ۲۰۱۴ء میں لوک سبھا انتخابات کی مہم کے دوران یہ بھی وعدہ کیا ہے کہ تمام فصلیں اقل ترین امدادی قیمت (ایم ایس پی) پر خریدی جائیں گی جو سوامی ناتھ کمیشن کی سفارش کے مطابق فصل کی لاگت اور اس میں ۵۰؍ فیصد منافع پر مشتمل ہوگی۔اس کے باوجود ایم ایس پی پر قانونی گارنٹی نہیں دی گئی اور نہ ہی یہ سوامی ناتھ کے وضع کردہ فارمولے پر مشتمل ہے۔ جے رام رمیش نے مزید کہا کہ سوامی ناتھن کے وضع کردہ فارمولے کے مطابق گندم کی اقل ترین قیمت ۲؍ ہزار ۴۷۸؍ فی کوئنٹل ہونی چاہئے جو ابھی صرف ۲؍ہزار ۲۷۵؍ فی کوئنٹل ہے۔ 

یہ بھی پڑھئے: دہلی چلو آندولن: ہریانہ پولیس نے کسانوں پر آنسو گیس کے گولے دوبارہ داغے

انہوں نے وزیر اعظم نریندر مودی کو مخاطب کرتے ہوئے کہا کہ مودی جی! آپ نے کیوں اپنی ۲۰۱۱ء کی رپورٹ کے مطابق ان چیزوں کو نافذ نہیں کیا ؟آپ نے ایم ایس پی کے بارے میں کسانوں سے بارہا جھوٹ کیوں بولا؟آج ملک کے کسانوں کا مودی حکومت پر سے بھروسہ اٹھ گیا ہے۔یہ صرف کانگریس کی کسان نیائےگارنٹی ہے جو کسانوں کو سوامی ناتھن کے وضع کردہ فارمولے کے مطابق ایم ایس پی پر قانونی گارنٹی دے گی۔راہل گاندھی نے اپنے وہاٹس ایپ چینل پراپنی پوسٹ میں لکھا تھا کہ میں نے سابق فوجی گرمیت سنگھ جی سے اسپتال میں ملاقات کی جو کسانوں کی تحریک کے دوران پولیس کی کارروائی کی وجہ سے شدید زخمی ہوئے ہیں۔ان کی صحت کے بارے میں پوچھا اور انہیں اس پرامن تحریک کیلئے مکمل حمایت کی یقین دہانی بھی کروائی ہے۔

حکومت نے کسانوں کو روکنے کیلئے اس طرح انتظامات کئے ہیں۔ تصویر: پی ٹی آئی
وہ ایک نوجوان بھی ہیں اور کسان بھی ہیں۔ان کی تعریف کرنے کے بجائے مودی حکومت کے کسانوںکے ساتھ اس آمرانہ رویہ نے جمہوریت کو شرمندہ کردیا ہے۔ 
جب کانگریسی لیڈر سے گرمیت سنگھ کے زخمی ہونےکے تعلق سے پوچھا گیا تو انہوںنے کہا کہ انہیں ہاتھ اور آنکھوں پر زخم آئے ہیں۔ 
خیال رہے کہ ہریانہ سرحد کے قریب منگل کو کسانوں اور پولیس کے درمیان اس وقت تصادم ہوا تھاجب کسانوں نے دہلی میں داخل ہونے کیلئے حکومت کی جانب سے لگائے گئے بیریکیڈس توڑنے کی کوشش کی تھی اور پولیس نے انہیں روکنے کیلئے آنسو گیس کے گولے داغے تھے۔
کسانوں نے پولیس کی اس کارروائی کیلئے مرکز کو ذمہ دار ٹھہرایا تھا اور کہا تھا کہ پولیس کی کارروائی کے نتیجےمیں تقریباً ۶۰؍ کسان زخمی ہوئے ہیں۔