متبادل کھلاڑی سائل لارین نے میزبان کنیڈا کو ٹورنامنٹ کا مثبت آغاز دلایا، جب انہوں نے بوسنیا و ہرزیگووینا کے خلاف گول کر کے لیس روجز (کنیڈا) کو عالمی اسٹیج پر اپنی تاریخ کا پہلا پوائنٹ دلوایا۔

متبادل کھلاڑی  سائل لارین  نے میزبان کنیڈا کو ٹورنامنٹ کا مثبت آغاز دلایا، جب انہوں نے بوسنیا و ہرزیگووینا کے خلاف گول کر کے لیس روجز (کنیڈا) کو عالمی اسٹیج پر اپنی تاریخ کا پہلا پوائنٹ دلوایا۔
 فیفا ورلڈ کپ۲۰۲۶ء میں کنیڈا کے افتتاحی میچ سے قبل  مائیکل بوبلے اور الینس موریسیٹ  کی مختصر پرفارمنسز نے ماحول کو گرما دیا تھا، لیکن آخر میں ٹورنٹو اسٹیڈیم میں موجود شائقین کو کینیڈین متبادل کھلاڑیوں کی شاندار کارکردگی نے جھومنے پر مجبور کر دیا۔

Tô chocadooo, a Nora Fatehi (do clipe indiano Saki Saki) cantou um funk na abertura da Copa 😲 pic.twitter.com/9EOTMoVs0P

— marcos iglesia 🤰🏻🪽 (@marcos_iglesia_) June 12, 2026

 میچ سے قبل کوچ  سرگئی بارباریز  نے اپنی ٹیم کو جوشیلا خطاب کرنے کا وعدہ کیا تھا، اور ان کے بوسنیائی کھلاڑیوں نے اس کا بھرپور جواب دیا۔ امار میمچ  نے ابتدا میں ایک اچھا موقع ضائع کیا  جبکہ کارنر ککس پر برتری حاصل کرنے والی بوسنیا کی ٹیم نے سیاد کولاشیناتس  کے کارنر سے دیے گئے فلیک کے بعد  جووو لوکچ  کے ہیڈر کے ذریعے برتری حاصل کر لی۔

یہ بھی پڑھئے:وکرم بھٹ کو خوفناک کہانیوں میں اتنی دلچسپی کیوں ہے؟ ڈائریکٹر نے راز سے پردہ اٹھایا

اس گول کے باوجود کنیڈا نے بھرپور توانائی اور عزم کے ساتھ کھیل جاری رکھا۔ تاہم جب گیند خوش قسمتی سے جوناتھن ڈیوڈ کے پاس پہنچی تو ان کی نچلی شاٹ کو نکولا واسیلج  نے آسانی سے روک لیا۔ تانی اولواسئی  کو اس سے بھی بہتر موقع ملا، لیکن باکس میں کافی وقت اور جگہ ہونے کے باوجود وہ گیند کو کراس بار کے اوپر مار بیٹھے۔
دوسرے ہاف کے آغاز میں اولواسئی نے ایک خوبصورت کروئف ٹرن  کے ذریعے کھیل میں جان ڈال دی اور تقریباً ہیڈر کے ذریعے گول بھی کر لیتے، مگر  نکولا کاتچ  نے ان کی کوشش روک دی۔ کنیڈا پوری روانی میں تھا جب کپتان کی ذمہ داریاں نبھانے والے  اسٹیفن یوسٹاکیو  (جو  الفانسو ڈیوس  کی جگہ کپتان تھے) نے  رِچی لاریا  کو عمدہ پاس دیا، لیکن  کولاشیناتس  نے گول لائن پر کھڑے ہو کر یقینی گول بچا لیا۔ دوسری جانب  میکسیم کریپو نے ارمیڈین دیمیروویچ  کے خطرناک موقع کو ناکام بنا دیا۔

یہ بھی پڑھئے:اسپین کے لیے خوشخبری، الامین جمال اور نیکو ولیمز نے مکمل تربیت کا آغاز کر دیا

 جیسی مارش  کی ٹیم مثبت انداز میں کھیلتی رہی اور متعدد تبدیلیوں سے اسے مزید تقویت ملی۔ ۷۶؍ویں منٹ میں میدان میں آنے والے کنیڈا کے لارین  نے صرف دو منٹ بعد پرومس ڈیوڈ  کے پاس پر تیزی سے مڑتے ہوئے گول کر دیا، جس سے کنیڈا کو نہ صرف برابری ملی بلکہ ورلڈ کپ کی تاریخ کا پہلا پوائنٹ بھی حاصل ہوا۔
لارین اضافی وقت میں فاتحانہ گول کرنے کے قریب بھی پہنچ گئے تھے، لیکن  طارق محاریمووچ  نے ان کی کوشش ناکام بنا دی، اس طرح  دونوں ٹیموں کے درمیان مقابلہ ۱۔۱؍گول سے برابر ختم ہوا۔