یہ کارروائی کرناٹک پردیش کانگریس کمیٹی کی طرف سے الیکشن کمیشن اور پولیس کے پاس اتوار کے روز درج کرائی گئی شکایت کے بعد کی گئی ہے جس میں انتخابی ضابطہ اخلاق کی خلاف ورزی کا الزام لگایا گیا ہے۔

پولیس کے مطابق بی جے پی صدر جے پی نڈا، پارٹی کے آئی ٹی سیل کے سربراہ امیت مالویہ اور کرناٹک یونٹ کے سربراہ بی وائی وجیندر کے خلاف ایک سوشل میڈیا پوسٹ کے سلسلے میں ایف آئی آر درج کی گئی ہے جس میں مبینہ طور پر ایس سی اور ایس ٹی کمیونٹی کے لوگوں کو کسی خاص امیدوار کو ووٹ نہ دینے کیلئے خوفزدہ کیا گیاہے ۔
  یہ کارروائی کرناٹک پردیش کانگریس کمیٹی (کے پی سی سی) کے ذریعے اتوار کو الیکشن کمیشن اور پولیس کے پاس درج کردہ شکایت کے بعد کی گئی جس میں انتخابی ضابطہ اخلاق کی خلاف ورزی کا الزام عائد کیا گیا ہے۔
 سینئر پولیس آفیسر کے مطابق ان پر عوامی نمائندگی ایکٹ اور تعزیرات ہند کی دفعہ ۵۰۵ (۲؍) (طبقوں کے درمیان دشمنی، نفرت یا بدخواہی پیدا کرنے یا اسے فروغ دینے کے بیانات) کے تحت مقدمہ درج کیا گیا تھا۔

یہ بھی پڑھئے: ’’مودی وعدہ پورا نہیں کرتے اور ملک کےتعلق سے وسیع پس منظر میں نہیں سوچتے‘‘

سوشل میڈیا پر پوسٹ کردہ مذکورہ ویڈیو میں (کانگریس لیڈر) راہل گاندھی اوروزیر اعلیٰ سدارامیا کے متحرک کرداروں کو دکھایا گیا ہے اور  ایس سی، ایس ٹی اور او بی سی کمیونٹی کو گھونسلے میں ’’انڈے‘‘کے طور پر دکھایا گیا ہے۔ ویڈیو میں کہا جا رہا ہے کہ ایک بڑا انڈا، جس پر مسلم کمیونٹی کا لیبل لگا ہوا ہے، کو راہل گاندھی زیادہ اہمیت دے رہے ہیں۔ یہ اندازا لگایا جا رہا ہے کہ اس انڈے سے نکلنے والے پرندے کو زیادہ فنڈ کھلایا جا رہا ہے جو بعد میں بڑا ہو کر ایس سی، ایس ٹی اور او بی سی جیسے طبقوں کو لات مار کر باہر پھینک دے گا۔ شکایت کے مطابق ملزمین کا فعل بے جا فساد کو ہوا دینا ، مختلف مذاہب کے درمیان دشمنی کو فروغ دینا ہے، ایس سی اور ایس ٹی برادری کے ممبران کو کسی خاص امیدوار کو ووٹ نہ دینے کے لئےدھمکانا اور ہم آہنگی کو خراب کرنا ہے۔۔