پاکستانی وزیراعظم عمران خان نے ایک بار پھر اسلامو فوبیا کے تعلق سے بیان دیا ہے۔ اسلام آباد میں عیدمیلادالنبی ؐ کے ایک جلسے سے خطاب کر تے ہوئے عمران نے کہا ’’ آزادیٔ اظہار کا یہ مطلب نہیں ہے کہ آپ دوسروں کو تکلیف دیں ۔

پاکستانی وزیراعظم عمران خان نے ایک بار پھر اسلامو فوبیا کے تعلق سے بیان دیا ہے۔   اسلام آباد میں عید میلادالنبی  ؐ کے ایک جلسے سے خطاب کر تے ہوئے عمران نے کہا ’’ آزادیٔ اظہار کا یہ مطلب نہیں ہے کہ آپ دوسروں کو تکلیف دیں۔ ‘‘عمران خان کا کہنا تھا کہ ’’ مغرب کے لوگوں کو یہ سمجھ نہیں ہے کہ ہمارا نبی اکرم ؐ کے ساتھ کیا رشتہ ہے۔  وہ یہ سمجھ بھی نہیں سکتے کیونکہ ان کے وہاں ادب نہیں ہے۔  ہم جس طرح ادب سے اپنے نبیوںؑ اور بزرگوں کا نام لیتے ہیں وہ ایسا نہیں کرتے۔‘‘  انہوں نے  پھر اس بات پر زور دیا کہ مسلم ممالک کے حکمرانوں کو  متحد ہو کر یورپ کو سمجھانا ہوگا کہ ہمارا موقف کیا ہے۔  انہوں نے کہا کہ’’ مغرب کے لوگوں میں یہ مشہور کیا گیا ہے کہ مسلمان آزادی ٔ اظہار کے خلاف ہیں۔‘‘  پاکستانی وزیراعظم کے مطابق چارلی ہیبڈو جیسے  میگزین کے پیچھے بہت تھوڑے لوگ ہیں لیکن وہ طاقتور ہیں اس لئے ان کا کوئی کچھ بگاڑ نہیں سکتا۔  عمران خان نے کہا کہ ہمیں یورپ کے لوگوں سے بات کرنی  ہوگی اور اسلامو فوبیا کو دور کرنا   ہوگا۔