پیو ریسرچ کے حالیہ سروے کے مطابق غزہ میں اسرائیلی جارحیت کے حوالے سے نوجوان امریکیوں کے خیالات معمرامریکیوں سے کافی مختلف ہیں۔ ۵۰؍ فیصد نوجوان امریکیوں کا ماننا ہے کہ اسرائیل کی غزہ میں جنگ ناقابل قبول ہے جبکہ ۲۱؍ فیصد افراد کا ماننا ہے کہ یہ عمل قابل قبول ہے۔ ۶۵؍ سے زائد عمر کے زیادہ تر افراد اسرائیل حامی ہیں۔

امریکہ کے نوجوان، غزہ میں جاری اسرائیلی جارحیت کے تئیں زیادہ حساس اور تنقید ی سوچ کے حامل ہیں۔ امریکہ میں بڑے پیمانے پر کئے گئے ایک سروے میں واضح ہوا ہے کہ امریکی صدر جو بائیڈن کی اسرائیل نوازی کے متعلق لوگوں کی رائے واضح طور پر ایک دوسرے سے مختلف ہے۔

“The people of Gaza cannot afford to wait for 30 to 60 days to receive aid”
Our @JulietteTouma & @ScottAnderGaza tell @nytimes that more needs to be done to simplify the delivery of critical & lifesaving aid INTO #Gaza through the road including via @UNRWAhttps://t.co/FbpHRYLVJf

— UNRWA (@UNRWA) March 20, 2024

واشنگٹن میں جنگ پر شدید اور منقسم عوامی رائے اور بائیڈن کے دوبارہ منتخب ہونے پر جاری گفتگو کے دوران پیور ریسرچ سینٹر کے سروے میں یہ بھی نشاندہی کی گئی ہے کہ بہت سے امریکی اس تعلق سے ناواقف ہیں اور ۴۰؍ فیصد افراد کا یہ کہناہے کہ وہ اس معاملے میں مشکوک ہیں کہ بائیڈن کا موقف صحیح ہے یا غلط۔ ۱۸؍ تا ۲۹؍ سال کی عمر کے امریکیوں میں سے ۴۶؍ فیصد کا کہنا ہے کہ اسرائیل جس طرح غزہ میں اپنی جنگ جاری رکھے ہوئے ہے، وہ ناقابل قبول ہے۔ ۲۱؍ فیصد افراد کا یہ کہنا ہے کہ یہ عمل قابل قبول ہے جبکہ بقیہ کا ماننا ہے کہ انہیں اس کے بارے میں علم نہیں ہے۔

The situation in north #Gaza is beyond desperate.@ScottAnderGaza met @UNRWA staff still working despite unspeakable challenges & visited Kamal Adwan Hospital.

Fuel & medical supplies were delivered, but aid is just a trickle. Food needs to reach the north NOW to avert famine. pic.twitter.com/O3Vt6n9xCV

— UNRWA (@UNRWA) March 22, 2024

معمر امریکیوں کے مقابلے میں نوجوان امریکیوں کے خیالات بالکل مختلف ہیں۔ ۶۵؍یا اس سے زائد عمر کے امریکیوں نے اسرائیل کی حمایت کی ہے جبکہ ۲۹؍ فیصد افراد کا یہ ماننا ہے کہ اسرائیل کا یہ عمل ناقابل قبول ہے۔ خیال رہے کہ ۸۱؍ سالہ امریکی صدر جوبائیڈن اسرائیل نواز ہیں اور حماس کے ۷؍ اکتوبر کےحملے کے بعد اسرائیل کے ’’جوابی حملوں‘‘ کے حق میں ہیں۔ خیال رہے کہ بائیڈن نے ایک طرف اسرائیل کو فوجی اور سفارتی امداد مہیا کی ہے تو دوسری جانب وہ اپنے حکام کو غزہ میں شہریوں کی حفاظت کیلئے ناکافی اقدامات نہ کرنے پر تنقید کا نشانہ بناتے ہیں۔ ان کے دوہرے رویے کو بہت سے افراد نے تنقیدکا نشانہ بنایا ہے۔ اقوام متحدہ کا کہنا ہے کہ غزہ قحط کے دہانے پر ہے۔

یہ بھی پڑھئے: عرب یوم مادر: خطے نے ماؤں کو یاد کیا، فلسطینی ماؤں کا دردوالم اس دن بھی کم نہ ہوا

اسرائیلی جارحیت کے نتیجے میں غزہ میں اب تک ۳۱؍ ہزار سے زائد افرادکی موت ہو چکی ہے اور ۷۰؍ہزار سے زائد افراد زخمی ہیں۔ محصور خطے کی آدھی آبادی بھکمری کا سامنا کر رہی ہے۔ اس سروے میں ۳۴؍ فیصد افراد کا یہ کہنا ہے کہ بائیڈن اسرائیل کی  حمایت کر رہے ہیں جبکہ ۲۹؍ فیصد افراد کا کہنا ہے کہ ان کا موقف درست ہے۔ 
اس سروے ، جس میں ۱۲؍ ہزار ۳۹۶؍ افراد سے رائے طلب کی گئی تھی ، میں مسلمان امریکیوں کی اسرائیل کے خلاف واضح تنقیدیں ہیں۔  ۲۱؍ فیصد مسلمان امریکیوں کا کہنا ہے کہ حماس نے ۷؍ اکتوبر کو اسرائیل پر جو حملہ کیا تھا وہ قابل قبول ہےجبکہ اس بارے میں ۵؍ فیصد امریکیوں کے خیالات مثبت ہیں۔ یہودی امریکیوں میں سے ۶۲؍ فیصد کی رائے یہ ہے کہ اسرائیل کی غزہ میں جارحیت قابل قبول ہے۔
واضح رہے کہ ۷؍ اکتوبر کو حماس کے حملے کے بعد اسرائیل نے غزہ میں اپنی جوابی کارروائیوں کا آغاز کیا تھا جس کے نتیجے میں اب تک ۳۱؍ ہزارفلسطینی جاں بحق ہو چکے ہیں۔ عالمی عدالت میں اسرائیل کو نسل کشی کا مرتکب ٹھہرایا گیا تھا اور عالمی عدالت نے تل ابیب کو غزہ کے شہریوں کی حفاظت کیلئے اقدامات کرنے کی ہدایت دی تھی۔ تاہم، اس ضمن میں اسرائیل نے کوئی بھی اقدام نہیں کیاتھا۔
یو این کے مطابق اسرائیلی جارحیت کے نتیجے میں غزہ کا۶۰؍ فیصد انفرا اسٹرکچر تباہ ہو گیا ہے جبکہ خطے کی آدھی آبادی بھکمری کا سامناکر رہی ہے۔ اسرائیل نے غزہ میں انسانی امداد کی رسائی بھی ناممکن بنادی ہے جس کی وجہ سے عالمی برادری اسرائیل کو تنقید کا نشانہ بنارہی ہے۔