وزیر اعظم نریندر مودی اور مرکزی وزیر داخلہ امیت شاہ نے پیر کی صبح میزورم کے وزیر اعلی زورامتھنگا سے ریاست میں آئے زلزلے کی صورتحال کے بارے میں بات چیت کرکے معلومات حاصل کی اور انہیں مرکز سے ہر ممکن امداد کی یقین دہانی کروائی۔ مودی نے ٹویٹ کیا کہ وزیراعلیٰ زورامتھنگا سے بات کی اورا ن سے ریاست میں آئے زلزلے کی صورتحال پرمعلومات حاصل کی ۔ میزورم کو مرکز کی طرف سے ہر ممکن امداد کی یقین دہانی کرائی گئی ہے۔
نریندر مودی اور امیت شاہ ۔ تصویر : آئی این این
وزیر اعظم نریندر مودی اور مرکزی وزیر داخلہ امت شاہ نے پیر کی صبح میزورم کے وزیر اعلی زورامتھنگا سے ریاست میں آئے زلزلے کی صورتحال کے بارے میں بات چیت کرکے معلومات حاصل کی اور انہیں مرکز سے ہر ممکن امداد کی یقین دہانی کرائی ۔
مودی نے ٹویٹ کیا ’’وزیراعلیٰ زورامتھنگا سے بات کی اورا ن سے ریاست میں آئے زلزلے کی صورتحال پرمعلومات حاصل کی ۔ میزورم کو مرکز کی طرف سے ہر ممکن امداد کی یقین دہانی کرائی گئی ہے‘‘ ۔
شاہ نے فون پر میزورام کے وزیر اعلیٰ سے ریاست میں آئے زلزلے کی صورتحال کا جائزہ لیا ۔
وزیر داخلہ نے بعد میں ٹویٹ کیا ’’ زورامتھنگا جی سے بات کر کے ریاست میں زلزلے کے بعد کی صورتحال کا جائزہ لیا۔ میں نے مرکز کی طرف سے وزیر اعلیٰ کو ہر ممکن امداد کی یقین دہانی کرائی ہے۔ ریاست میں سبھی کی حفاظت اور خوشحالی کے لئے دعا کی ہے‘‘۔ میزورم میں پیر کی صبح زلزلے کے جھٹکے محسوس کئے گئے۔ ریاست کے ضلع چمفائی میں آج صبح 4.10 بجے زلزلے کے جھٹکے محسوس کئے گئے۔ زلزلے کی شدت 5.3 تھی۔ تاہم زلزلے کی وجہ سے ابھی تک کسی بھی قسم کے جانی و مالی نقصان کی اطلاع نہیں ہے۔ زلزلے کا مرکز ضلع چمفائی میں زمین سے ۲۰ کلومیٹر کی گہرائی میں تھا۔