ہندوستان میں جاری وسیع اقتصادی اصلاحات کا حوالہ دیتے ہوئے وزیر اعظم نریندر مودی نے برطانوی کمپنیوں اور صنعتکاروں سے ہندوستان کی ترقی کے سفر میں شامل ہونے کی اپیل کی ہے، یہ بتاتے ہوئے کہ بہت سے ایسے شعبے ہیں جن میں دونوں ممالک مشترکہ طور پر دنیا میں نمبر ایک بن سکتے ہیں۔

 ہندوستان میں جاری وسیع اقتصادی اصلاحات کا حوالہ دیتے ہوئے وزیر اعظم نریندر مودی نے برطانوی کمپنیوں اور صنعتکاروں سے ہندوستان کی ترقی کے سفر میں شامل ہونے کی اپیل کی ہے، یہ بتاتے ہوئے کہ بہت سے ایسے شعبے ہیں جن میں دونوں ممالک مشترکہ طور پر دنیا میں نمبر ایک بن سکتے ہیں اور نئے عالمی معیارات قائم کر سکتے ہیں۔مودی نے برطانوی وزیر اعظم کیئر اسٹارمر کے ساتھ وسیع بات چیت کے بعد جمعرات کو ممبئی میں انڈیا-یو کے سی ای او فورم میٹنگ میں شرکت کی۔  ہندوستان کی ترجیحی بنیادی ڈھانچے کی ترقی کے بارے میں بات کرتے ہوئے وزیر اعظم نے کہا کہ ہندوستان اگلی نسل کے بنیادی ڈھانچے میں سرمایہ کاری کر رہا ہے۔ ہندوستان تیزی سے۲۰۳۰ء تک۵۰۰؍ گیگا واٹ قابل تجدید توانائی کے اپنے ہدف کی طرف بڑھ رہا ہے، جب کہ اس نے جوہری توانائی کے شعبے کو نجی شعبے کے لیے کھول دیا ہے۔ انہوں نے برطانوی کمپنیوں اور صنعتکاروں سے ہندوستان کی ترقی کے سفر میں شامل ہونے کا مطالبہ کرتے ہوئے کہا کہ دونوں ممالک کو ان مواقع سے فائدہ اٹھانا چاہئے۔ 
انہوں نے کہاکہ ’’مجھے آپ کو یہ بتاتے ہوئے خوشی ہو رہی ہے کہ ہم نیوکلیئر پاور سیکٹر کو پرائیویٹ سیکٹر کیلئے  کھول رہے ہیں۔ ان سب نے ہندوستان-برطانیہ کے تعاون کو نئی بلندیوں تک لے جانے کے مواقع پیدا کیے ہیں۔ میں آپ کو ترقی کے اس سفر میں ہندوستان کے ساتھ شامل ہونے کی دعوت دیتا ہوں۔  مجھے حیرت ہے کہ کیا ہندوستانی اور برطانیہ کے کاروباری لیڈر جمع ہو کر ان شعبوں کی نشاندہی کر سکتے ہیں جہاں ہم مشترکہ طور پر دنیا میں نمبر ون بن سکتے ہیں؟ وہاں پر فائن ٹیک، گرین ٹیک، گرین اپ، سیمی کنٹرس شروع کر سکتے ہیں؟ ہندوستان اور برطانیہ کو نئے عالمی معیارات قائم کرنے کے لیے مل کر کام کریں۔ ‘‘

یہ بھی پڑھیئے:ہندوستان اور برطانیہ نے۴۲۰۰؍کروڑ کے بڑے دفاعی معاہدے کئے

وزیر اعظم نے صنعتکاروں سے کہا کہ ہندوستان کی معیشت میں وسیع پیمانے پر اصلاحات کی جا رہی ہیں  اور کاروبار کرنے میں آسانی اور جی ایس ٹی جیسی اصلاحات ملک کی ترقی کی کہانی کو نئی تحریک دیں گی اور آپ سب کے لیے مواقع کو وسعت دیں گی۔   مودی نے کہا کہ یہ فورم دونوں ملکوں کے درمیان ایک اہم ستون کے طور پر ابھرا ہے اور انہیں یقین ہے کہ اس کے ذریعے دونوں ملک قدرتی شراکت داروں کے طور پر تیزی سے آگے بڑھیں گے۔ انہوں نے کہا کہ عالمی عدم استحکام کے درمیان ہندوستان برطانیہ تعلقات میں استحکام کے لحاظ سے یہ سال بے مثال رہا ہے۔ دونوں ممالک کے درمیان جامع اقتصادی اور تجارتی معاہدے کو تاریخی قرار دیتے ہوئے انہوں نے کہا کہ یہ صرف تجارتی معاہدہ نہیں ہے بلکہ دنیا کی دو بڑی معیشتوں کے درمیان مشترکہ ترقی اور خوشحالی کا روڈ میپ ہے۔ انہوں نے کہا کہ مارکیٹ تک رسائی کے ساتھ ساتھ یہ معاہدہ دونوں ممالک میں چھوٹے صنعتی یونٹوں کو مضبوط کرے گا اور لاکھوں نوجوانوں کے لیے روزگار کے نئے مواقع کھلیں گے۔