روٹرڈیم کی ایک مسجد پر رات کے وقت حملے اور اس کی بے حرمتی کے واقعے نے مسلمانوں میں شدید تشویش پیدا کر دی ہے۔ اسلامی فاؤنڈیشن نیدرلینڈز نے پولیس کے مبینہ تاخیر سے ردعمل اور سیکوریٹی انتظامات پر سوالات اٹھائے ہیں۔

روٹرڈیم میں ایک گروہ نے رات کے وقت ایک مسجد پر حملہ کیا، اسلامی فاؤنڈیشن نیدرلینڈز (ISN) نے جمعہ کو بتایا۔ آئی ایس این کے بیان کے مطابق مولانا مسجد کو چھ نامعلوم افراد نے نقصان پہنچایا۔ مسجد کی ایک موزیک دیوار کو خراب کیا گیا جبکہ حملہ آوروں نے عمارت پر بیئر کی بوتلیں پھینکیں اور عمارت کے سامنے کے حصے پر پیشاب کیا۔ بیان میں کہا گیا کہ مسجد کے منتظمین نے بار بار پولیس کو کال کی، لیکن پولیس اہلکار اس وقت پہنچے جب حملہ آور علاقے سے جا چکے تھے۔ اس میں کہا گیا کہ عبادت گزاروں کو بڑھتے ہوئے حملوں کی وجہ سے تشویش لاحق ہے جو مسلمانوں اور مساجد کو نشانہ بنا رہے ہیں، اور یہ بھی بتایا گیا کہ موقع پر پہنچنے والے پولیس اہلکاروں نے اس واقعے کو’’فوری مداخلت کیلئے خطرہ‘‘ قرار نہیں دیا۔ 

یہ بھی پڑھئے: وہائٹ ہاؤس کی نئی امیگریشن ویب سائٹ، غیر ملکیوں کو ’’ایلین‘‘ کہنے پر تنازع

بیان میں کہا گیا کہ پولیس کی اس تشخیص کو سمجھنا مشکل ہے اور اس بات پر زور دیا گیا کہ عبادت گزاروں کی حفاظت اور ان کے مذہبی فرائض کو ہر حال میں خوف کے بغیر ادا کرنے کے حق کو یقینی بنایا جانا چاہئے۔ اس میں یہ بھی کہا گیا کہ حملے کے علاوہ پولیس کے تاخیر سے ردِعمل نے شدید تشویش پیدا کی ہے۔ ’ آئی ایس این‘نے مزید بتایا کہ اس نے اس واقعے کے خلاف باضابطہ فوجداری شکایت درج کرا دی ہے اور مطالبہ کیا ہے کہ اس کیس کو ترجیحی بنیادوں پر تحقیقات کیلئے لیا جائے۔