راجیہ سبھا کے چیئرمین ایم وینکیا نائیڈو نے ملک کے باشندوں سے اپیل کی ہے کہ وہ اپنی آبائی زبان کے ساتھ ساتھ ایک دوسری زبان بھی  سیکھیں اور خاص طور پر شمالی ہندوستان کے بچے ہندی کے ساتھ   جنوبی ہندوستان کی ایک زبان بھی سیکھیں۔

راجیہ سبھا کے چیئرمین ایم وینکیا نائیڈو نے ملک کے باشندوں سے اپیل کی ہے کہ وہ اپنی آبائی زبان کے ساتھ ساتھ ایک دوسری زبان بھی  سیکھیں اور خاص طور پر شمالی ہندوستان کے بچے ہندی کے ساتھ   جنوبی ہندوستان کی ایک زبان بھی سیکھیں۔
 نائیڈو نے مانسون اجلاس کے پہلے دن اراکین پارلیمنٹ اور ملک کے باشندوں کو یوم ہندی زبان کی مبارکباد دی۔ انہوں نے کہا کہ ہندی ایک ایسی زبان ہے جسے بڑی تعداد میں لوگ سمجھتے اور بولتے ہیں۔ انہوں نے کہا کہ ملک میں بولی جانے والی تمام زبانیں ہندوستانی ہیں اور کسی کو  کوئی بھی زبان سیکھنے پر کوئی اعتراض نہیں ہونا چاہئے۔
انہوں نے کہا کہ ہر ایک کو ہندی کے ساتھ دوسری زبانیں بھی سیکھنے کی کوشش کرنی چاہئے کیونکہ کوئی زبان بڑی یا چھوٹی نہیں ہے۔ انہوں نے کہا کہ کسی پر بھی کسی زبان کو مسلط نہیں کیا جانا چاہئے اور نہ ہی کسی کو کسی زبان کی مخالفت کرنی چاہئے۔
راجیہ سبھا کے چیئرمین نے کہا کہ ہر ایک کو اپنی مقامی زبان کے ساتھ دوسری زبان بھی سیکھنی چاہئے۔ شمالی ہندوستان کے بچوں کو خاص طور پر جنوبی ہندوستان کی کوئي ایک زبان سیکھنی چاہئے۔