وینزویلا کی اپوزیشن لیڈر ماریا کورینا مشادو کو جمہوریت کی پرامن منتقلی کے لیے کوششوں اور جمہوری حقوق کے فروغ کیلئے کام کرنے پر۲۰۲۵ء کا امن کا نوبیل انعام دیا گیا ہے۔

وینزویلا میں جمہوری حقوق کو فروغ دینے اور آمریت سے جمہوریت کی طرف پرامن جدوجہد کے لیے اپوزیشن لیڈر ماریا کورینا مشادو کوامن کے نوبیل انعام کیلئے منتخب کیا گیا ہے  ۔ نوبیل کمیٹی کے مطابق، وہ حالیہ برسوں میں لاطینی امریکہ میں شہری ہمت کی غیر معمولی مثال ہیں ۔ناروے کی نوبیل کمیٹی کے چیئرمین یورگن واٹن فریڈنز نے کہا کہ مشادو نوبل کی وصیت میں درج تینوں معیارات پر پوری اترتی ہیں۔ انہوں نے اپوزیشن کو متحد کیا، فوجی کاری کی مخالفت کی، اور جمہوریت کے پرامن منتقلی کی حمایت میں ثابت قدم رہیں ۔حتیٰ کہ وہ گذشتہ برس سے اپنی جان کو لاحق خطرات کے باعث روپوش ہیں ۔ کمیٹی نے کہا کہ ملک میں رہنے کا ان کا فیصلہ لاکھوں لوگوں کے لیے تحریک بنا ہے ۔

Maria Corina Machado ha stravinto le primarie dell’opposizione in Venezuela, ma le è stata negata la partecipazione alle elezioni presidenziali. Ha portato in piazza decine di migliaia di venezuelani, ma il regime Maduro ha bloccato le strade affinché lei non attraversasse le… pic.twitter.com/XyRVsEtHN2

— Marco Fattorini (@MarcoFattorini) October 10, 2025

 انعامی تقریب۱۰؍ دسمبر کو ہوگی، لیکن یہ واضح نہیں ہے کہ وہ موجودہ خطرات کی وجہ سے اس میں شرکت کر پائیں گی ۔واضح رہے کہ مشادو ۲۰۲۴ء کے صدارتی انتخاب میں حزب اختلاف کی مشترکہ امیدوار تھیں، لیکن نیکولس مدورو کی حکومت نے ان کی امیدواری خارج کردی تھی۔ انہوں نے دو دہائی تک منصفانہ انتخاب کیلئے پر امن جدوجہد کی۔

El momento y las razones por las que se le otorga el #PremioNobelDePaz2025 a María Corina Machado pic.twitter.com/m6c9UPpJy5

— Idania Chirinos (@IdaniaChirinos) October 10, 2025

۲۰۲۴ء میں دنیا کو جوہری ہتھیاروں سے نجات دلانے کیلئے کوشش کرنے والی جاپانی تنظیم کو امن کا نوبیل انعام سے نوازا گیا تھا۔ اس کے علاوہ فیزکس اور طب کا نوبیل انعام مریم ای برنکو، فریڈ رامسڈیل اور شمعون ساکاگوچی کو ان کی دریافت ’’پرفیرل امیون ٹولرنس‘‘ کیلئے دیا گیا۔ اس کے علاوہ طبیعیات میں یہ انعام سائنسدانوں جان ایم مارٹنیس، جان کلارک اور مشیل ڈیوریٹ کو منگل کو دھاتی نامیاتی فریم ورک کے ارتقا کیلئے دیا گیا۔نوبل برائے اقتصادیات کا اعلان۱۳؍ اکتوبر کو کیا جائے گا۔