جنوبی کوریا کے عالمی شہرت یافتہ ’’تائیکوانڈوون، موجو کاؤنٹی‘‘ میں منعقدہ ۱۹؍ویں ورلڈ تائیکوانڈو کلچر ایکسپو میں جالنہ والا اسپورٹس ٹریننگ اینڈ ریسرچ سینٹر ممبئی کی سرپرستی میں آگری پاڑہ کی ہونہار کھلاڑی رانیہ رضوان انصاری نے عمدہ کارکردگی کا مظاہرہ کر کے ۲؍مختلف مقابلوں میں سلور اور برونز میڈل حاصل کئے۔

 جنوبی کوریا کے عالمی شہرت یافتہ ’’تائیکوانڈوون، موجو کاؤنٹی‘‘ میں منعقدہ ۱۹؍ویں ورلڈ تائیکوانڈو کلچر ایکسپو میں جالنہ والا اسپورٹس ٹریننگ اینڈ ریسرچ سینٹر ممبئی کی سرپرستی میں آگری پاڑہ کی ہونہار کھلاڑی رانیہ رضوان انصاری نے عمدہ کارکردگی کا مظاہرہ کر کے ۲؍مختلف مقابلوں میں سلور اور برونز میڈل حاصل کئے۔

یہ بھی پڑھئے: اولا اوبر ڈرائیوروں کیلئے بھی مراٹھی جاننا لازمی

مورلینڈروڈ پر واقع سینٹ جوزف انگلش ہائی اسکول میں زیرتعلیم رانیہ انصاری نے حال ہی میں کوریا میں ہونے والے تائیکوانڈو کیوروگی اور پومسے مقابلے میں بالترتیب سلور اور برونز میڈل حاصل کئے۔ رانیہ کی کامیابی میں مذکورہ اکیڈمی کے تجربہ کار اور سخت محنت کرنے والے کوچ روہی داس شرکے کااہم رول ہے۔ رانیہ کی تاریخی کامیابی پر سینٹ جوزف ہائی اسکول انتظامیہ اور اساتذہ نے رانیہ اور کوچ روہی داس شرکے کو مبارکباد پیش کی ہے اور ان کے روشن اور شاندار مستقبل کیلئے نیک خواہشات کا اظہار کیا ہے۔  دسویں جماعت میں زیر تعلیم رانیہ اوّل جماعت سے تائیکوانڈو کھیل رہی ہے۔ اس سےقبل ۲۰۲۳ء میں گوا میں ہونے والے ڈی ایس او میں بھی عمدہ پرفارمینس کی وجہ سے اسے گولڈ میڈل سے نوازا گیا تھا ۔