خاتون پہلوان ساکشی ملک نے سنجے سنگھ پر الزام عائد کیا ہے کہ وہ الگ سے چیمپئن شپ منعقد کر کے کھلاڑیوں کو جعلی سرٹیفکیٹ دے رہے ہیں۔ ساکشی ملک نے وزیر کھیل انوراگ ٹھاکر سے اس معاملے میں مداخلت کرنے کی اپیل کی ہے۔ ان کا کہنا ہے کہ کھلاڑیوں کیلئے یہ سرٹیفکیٹ مستقبل میں بڑی پریشانی بن سکتے ہیں۔

مرکزی حکومت کے ذریعے نئے منتخب کئے گئے ورسلنگ فیڈرشن کو معطل کرنے کے بعد اولمپک میڈل یافتہ ساکشی ملک نے الزام عائد کیا ہے کہ معطل کئے گئے ڈبلیو ایف آئی کے صدر سنجے سنگھ چیمپئن شپ منعقد کر رہے ہیں اور جعلی سرٹیفکیٹ دے رہے ہیں۔ ساکشی ملک نے سوال قائم کیا ے کہ کس طرح ایک معطل کیا گیا صدر فیڈریشن کے فنڈز کا غلط استعمال کیسے کر سکتے ہیں؟ انہوں نے حکومت کو متنبہ کیا ہے کہ جعلی سرٹیفکیٹ ،جو سنجے سنگھ پر دینے کا الزام ہے، مستقبل میں کھلاڑیوں کو مشکل میں ڈال سکتے ہیں۔انہوں نے وزیر کھیل انوراگ ٹھاکر سے اپیل کی ہے کہ وہ اس معاملے میں مداخلت کریں۔ 

یہ بھی پڑھئے: توشہ خانہ کیس: پاکستان کے سابق وزیر اعظم عمران خان اور ان کی اہلیہ کو ۱۴؍ سال قید بامشقت

ساکشی ملک نے اپنے ایکس پوسٹ میں لکھا ہے کہ قومی ورسلنگ چیمپئن شپ جو وزرات کھیل منعقد کر رہی ہے جے پور میں ہونے والی ہے لیکن سنجے سنگھ غیر قانونی طورپراپنی قیادت دکھانے کیلئے الگ چیمپئن شپ منعقد کر رہے ہیں اور جعلی سرٹیفکیٹ پر دستخط کر رہے ہیں۔ جب کھلاڑی ، جنہیں وہ سرٹیفکیٹ دے رہے ہیں، ان بنیادوں پر ملازمت حاصل کرنے جائیں گے تو انہیں بہت سے مشکلات کاسامنا کرنا پڑے گاجبکہ اس میں ان کی کوئی غلطی نہیں ہوگی۔ اس کیلئے سنجے سنگھ کے خلاف کارروائی ہونی چاہئے۔ 

भारत सरकार ने बृजभूषण के साथी संजय सिंह की गतिविधियों को सस्पेंड कर दिया था उसके बावजूद संजय सिंह अपनी मनमर्ज़ी चला नेशनल रेसलिंग चैंपियनशिप करवा रहा है और खिलाड़ियों को फ़र्ज़ी सर्टिफिकेट बाँट रहा है जोकि ग़ैर क़ानूनी है. खेल मंत्रालय द्वारा आयोजित रेसलिंग नेशनल चैंपियनशिप जयपुर… pic.twitter.com/Hx6N3awyml

— Sakshee Malikkh (@SakshiMalik) January 30, 2024

واضح رہے کہ گزشتہ ماہ ہی حکومت ہند نے ڈبلیو ایف آئی کے پینل کو معطل کیا ہےجبکہ وہ ایک دن پہلے ہی منتخب کی گئی تھی۔معطل کرنے کے وقت وزرات نے یہ بھی کہا تھا کہ جو نیا فیڈریشن تشکیل دیا گیا ہے وہ سابق عہدیداران کے قابو میں کام کر رہا ہے۔
سنجے سنگھ کے فیڈریشن کے صدر منتخب ہونے کے بعد ساکشی ملک نے پریس کانفرنس میں ورسلنگ سے اپنی معطل کا اعلان کیا تھا۔ بعد ازیں بجرنگ پونیا نے اپناپدم شری ایوارڈ بھی لوٹا دیا تھاجس کے بعد حکومت نے اس فیڈریشن کو معطل کرنے کے بعد نیا پینل تشکیل دیاتھا۔یاد رہے کہ فیڈریشن کے سابق صدر برج بھوشن شرن سنگھ ، جو بی جے پی کے رکن پارلیمان بھی ہیں، پر الزام ہے کہ انہوں نے متعدد خاتون پہلوانوں کے ساتھ جنسی زیادتی کی ہے۔
ساکشی ملک ، بجرنگ پونیا اور ونیش پھوگاٹ نے برج بھوشن شرن سنگھ کے خلاف دہلی میں احتجاج بھی کیا تھاتو کافی دنوں تک جاری رہا تھا۔