عالمی منڈی کے ملے جلے رجحان کے درمیان مقامی سطح پرغیر ملکی پورٹ فولیو سرمایہ کاروں (ایف پی آئی) کی طرف سے ہمہ جہت خریداری کی وجہ سے اسٹاک مارکیٹ جمعرات کو مسلسل ۲؍ دنوں کی گراوٹ سے ابھرکر تیزی پر رہا۔

عالمی منڈی کے ملے جلے رجحان کے درمیان مقامی سطح پر غیر ملکی پورٹ فولیو سرمایہ کاروں (ایف پی آئی) کی طرف سے ہمہ جہت خریداری کی وجہ سے اسٹاک مارکیٹ جمعرات کو مسلسل ۲؍ دنوں کی گراوٹ سے ابھرکر تیزی پر رہا۔ بی ایس ای کا۳۰؍ حصص کا حساس انڈیکس سینسیکس۴۹۰ء۹۷؍ پوائنٹس یا۰ء۶۹؍ فیصد بڑھ کر۷۱۸۴۷ء۵۷؍ پوائنٹس اور نیشنل اسٹاک ایکسچینج (این ایس ای) نفٹی۱۴۱ء۲۵؍ پوائنٹس یا۰ء۶۶؍ فیصد بڑھ کر۲۱۶۵۸ء۶۰؍ پوائنٹس پر پہنچ گیا۔ اسی طرح بی ایس ای کی درمیانی اور چھوٹی کمپنیوں کے حصص میں زبردست خرید و فروخت ہوئی۔ اس کی وجہ سے مڈ کیپ ۱ء۴۹؍ فیصد چھلانگ لگاکر۳۷۶۳۴ء۲۸؍ پوائنٹس اور اسمال کیپ۱ء۰۴؍فیصد چھلانگ لگا کر۴۳۵۵۳ء۰۳؍ پوائنٹس پر پہنچ گیا۔
 اس عرصے کے دوران بی ایس ای میں کل۳۹۴۱؍ کمپنیوں کے حصص کا کاروبار ہوا جن میں سے۲۵۷۴؍ میں اضافہ جبکہ۱۲۶۷؍ میں کمی اور۱۰۰؍ میں کوئی تبدیلی نہیں ہوئی۔ اسی طرح نفٹی کی۲۸؍ کمپنیوں میں خرید و فروخت ہوئی جبکہ۲۲؍ میں فروخت ہوئی۔
 بی ایس ای میں آٹو گروپ کی۰ء۰۴؍ فیصد کمی کو چھوڑ کر باقی۱۹؍ گروپوں میں خریداری کی رفتار تھی۔ اس عرصے کے دوران رئیلٹی گروپ میں سب سے زیادہ۶ء۵۲؍ فیصد اضافہ ہوا۔ اس کے علاوہ کموڈٹیز۰ء۳۳، سی ڈی ۰ء۸۳، انرجی ۰ء۵۴، ایف ایم سی جی ۰ء۶۳، فائنانشیل سروسیز ۱ء۳۵، ہیلتھ کیئر۰ء۵۴، انڈسٹریز۰ء۹۱، آئی ٹی۰ء۳۲، ٹیلی کام۲ء۱۶، یوٹیلیٹیز۲ء۵۰، بینکنگ کیپٹل۰ء۵۰، گڈز۰ء۵۶، میٹلز۱ء۴۹، تیل اور گیس کے حصص۰ء۵۹، پاور۱ء۹۰، ٹیک۰ء۶۸؍ اور سروسیز گروپ۱ء۵۹؍فیصد بڑھے۔ بین الاقوامی سطح پر تیزی کا رجحان رہا۔ اس عرصے کے دوران برطانیہ کے اے ٹی ایس ای میں ۰ء۲۴ ؍فیصد اور جرمنی کے ڈیکس میں ۰ء۳۷؍ فیصد اضافہ ہوا۔ اسی دوران جاپان کا نکی۰ء۵۳؍ فیصد، ہانگ کانگ کا ہینگ سینگ اور چین کا شنگھائی کمپوزٹ۰ء۴۳؍ فیصد گر گیا۔