ہندوستانی ٹیلی کام کمپنی ووڈا فون آئیڈیا(وی آئی ) نے اپنے برانڈ میں بڑی تبدیلی کا اعلان کرتے ہوئے بالی ووڈ کے سپر اسٹار شاہ رخ خان کو اپنی نئی برانڈ مہم کا چہرہ بنا لیا ہے۔ کمپنی نے نیا لوگو بھی متعارف کرایا ہے اور ’’Vi بدل رہا ہے… تیار رہیے‘‘ کے عنوان سے نئی مہم کا آغاز کیا ہے۔

ہندوستانی  ٹیلی کام کمپنی ووڈا فون آئیڈیا(وی آئی ) نے اپنے برانڈ میں بڑی تبدیلی کا اعلان کرتے ہوئے بالی ووڈ کے سپر اسٹار شاہ رخ خان  کو اپنی نئی برانڈ مہم کا چہرہ بنا لیا ہے۔ کمپنی نے نیا لوگو بھی متعارف کرایا ہے اور ’’Vi بدل رہا ہے… تیار رہیے‘‘ کے عنوان سے نئی مہم کا آغاز کیا ہے۔  

یہ بھی پڑھئے:کانسرٹس اور فلم فیسٹیول کے باعث سرائیو میں سیاحوں کی ریکارڈ آمد، معیشت کو فائدہ

وی آئی  نے یکم ستمبر سے اپنی نئی برانڈ شناخت کو مرحلہ وار صارفین تک پہنچانا شروع کیا۔ کمپنی کے مطابق شاہ رخ خان کو مہم کا چہرہ بنانے کا مقصد  توانائی، عزم، امید اور مستقبل کے امکانات کو نمایاں کرنا ہے۔ آنے والے ہفتوں میں اس برانڈ تبدیلی کے مزید پہلو سامنے آنے کی توقع ہے۔   کمپنی نے اپنے پہلے سے موجود بصری نشان کو تبدیل کرکے ایک  متحرک تھری ڈی دائرے (3D sphere)  کی شکل دی ہے۔ نیا ڈیزائن پہلے کے مقابلے میں زیادہ گول اور نمایاں ہے جبکہ اسے وی آئی کے نام کے اوپر رکھا گیا ہے۔ کمپنی کا کہنا ہے کہ یہ تبدیلی برانڈ کی  مثبت توانائی اور مستقبل کی جانب پیش قدمی  کی عکاسی کرتی ہے۔ 

یہ بھی پڑھئے:سادھنا کی زلفوں کا انداز مختلف تھاجو’سادھناکٹ‘کےنام سے پوری دنیا میں مشہور تھا

شاہ رخ خان کو ’’ وی آئی بدل رہا ہے… تیار رہیے‘‘ مہم میں شامل کیا گیا ہے۔ تاہم  وی آئی  نے ابھی یہ واضح نہیں کیا کہ آنے والے دنوں میں صارفین کے لیے کون سی نئی سروسیز یا مصنوعات متعارف کرائی جائیں گی۔ کمپنی نے اشارہ دیا ہے کہ برانڈ ٹرانسفارمیشن کے تحت مزید  نئے تجربات، مہمات اور صارفین سے متعلق تبدیلیاں  سامنے آئیں گی۔  شاہ رخ خان ہندوستان  کے سب سے بڑے اور مقبول فلمی ستاروں میں شمار ہوتے ہیں اور مختلف بڑے برانڈز کے ساتھ ان کی طویل عرصے سے وابستگی رہی ہے۔  وی آئی کے لیے ان کی شمولیت ایسے وقت میں ہوئی ہے جب کمپنی اپنی برانڈ شناخت کو مضبوط کرنے اور صارفین کے ساتھ دوبارہ رابطہ بڑھانے کی کوشش کر رہی ہے۔  یعنی’’SRK on Vi‘‘ صرف ایک اشتہاری مہم نہیں بلکہ  وی آئی کی نئی برانڈ شناخت کے بڑے لانچ کا حصہ ہے۔  کمپنی آنے والے ہفتوں میں اس تبدیلی کے مزید تفصیلات سامنے لائے گی۔