مانسون اجلاس سے پہلے شردپواراین سی پی لیڈران سے ملاقات کریں گے
EPAPER
Updated: July 17, 2023, 1:45 PM IST | New Delhi
مانسون اجلاس سے پہلے شردپواراین سی پی لیڈران سے ملاقات کریں گے
شرد پوار نے بھتیجے اجیت پوار اور باغی خیمے کے ایم ایل ایز نے اتوار کو ممبئی میں میٹنگ کے دورانـ’’بی جے پی کی تقسیم سیاست‘‘ کی مخالفت کی اور شردپوار سے ’’آشیرواد‘‘ طلب کیا۔بعد ازیں وائی بی چوہان سینٹر میں این سی پی یوتھ ونگ کے کارکنان سے خطاب کرتے ہوئے شرد پوار نے واضح کیا کہ وہ بی جے پی کی حمایت نہیں کر سکتے اور اپنی ترقی پسند سیاست کو جاری رکھیں گے۔ واضح رہے کہ میٹنگ میں اجیت پوار اوران کےحامیوں نے شرد پوار سے درخواست کی کہ وہ پارٹی کو دوبارہ جوڑنے پر غور کریں جبکہ شرد پوارنے اس ملاقات میں مسلسل خاموشی اختیار کر رکھی تھی۔ بعد ازیں انہوں نے اپنا موقف واضح کیا۔ ناسک سے یوتھ ونگ کےکارکنان سےخطاب کےد وران انہوںنے بی جے پی کی تفرقہ انگیز سیاست کی مخالفت پر زور دیتے ہوئے این سی پی کے نظریے کی تصدیق کیجبکہ انہوں نے شمولیت، مساوات، سیکولرازم اور جمہوریت کے اصولوں پر ثابت قدم رہنے کی یقین دہانی کی ہے۔ خیال رہے کہ یہ اجیت پوار کی غداری کےبعد شردپوار اور اجیت پوار کے درمیان ہونے والی پہلی ملاقات تھی۔
مہاراشٹر اسمبلی کے مانسون اجلاس سے پہلے شرد پواراین سی پی ایم ایل ایز سے ملاقات کریں گے۔ تقسیم سے پہلے این سی پی کے پاس ۲۸۸؍ رکن اسمبلی میں ۵۳؍ ایم ایل ایز تھےالبتہ پارٹی میں تقسیم کے بعد ممبئی میں اجیت پوار کی جانب سے منعقدہ پہلی میٹنگ میں این سی پی کے ۳۵؍ایم ایل ایز اور ۸؍ ایم ایل سی میں سے پانچ نے اپنی موجودگی کا اعلان کیا تھا، تاہم اجیت پوار کی حمایت کرنے والے ایم ایل ایز کی صحیح تعداد اب تک معلوم نہیں کی جا سکی ہے ۔