کانگریسی لیڈر ششی تھرور نے کہا کہ بی جے پی وزیر اعظم نریندر مودی کو ’’ہندو ہردے سمراٹ ‘‘ کے طور پر پیش کرکے لوک سبھا انتخابات لڑنا چاہتی ہے۔ ۲۰۲۴ء کے عام انتخابات کو ’’ہندوتوا بمقابلہ فلاح و بہود کی جنگ ‘‘ کا رخ دیا جا رہا ہے۔ الیکشن کے دوران بی جے پی کے تمام انتخابی وعدے زیر بحث ہونے چاہئیں۔

کانگریسی لیڈر ششی تھرو ر نے کہا کہ بی جے پی وزیراعظم نریندر مودی کو ’’ہندوہردے سمراٹ‘‘ کے طور پر پیش کر کے ’’ہندوتوا ‘‘ کے مسئلے پر لوک سبھا انتخابات لڑنا چاہتی ہے۔تھرور نے اپنے ایکس پوسٹ میں لکھا ہے کہ وزیر اعظم نریندر مودی۲۲؍ جنوری کو ایودھیا کے رام مندرکا جبکہ ۱۴؍ فروری کو ابودھابی کے ’’باپس ‘‘ مندر کا افتتاح کریں گےجس کے بعد لوک سبھا انتخابات کا اعلان کیا جا سکتا ہے۔ ۲۰۲۴ء لوک سبھا انتخابات ’کو ’فلاح و بہود جنگ بہ مقابلہ ہندوتوا ‘‘ کا رخ دیاجا رہا ہے۔

So Prime Minister @NarendraModi will inaugurate the Ram Mandir in Ayodhya on January 22nd and the BAPS Hindu Temple in Abu Dhabi on February 14th. I expect elections to be called very soon thereafter.

The message is clear. In 2009, Mr Modi was sold to the Indian electorate as…

— Shashi Tharoor (@ShashiTharoor) December 29, 2023

لوک سبھا انتخابات معاشی ترقی ، سالانہ ۲؍ کروڑ ملازمت پیدا کرنااور ہر ہندوستانی کے بینک اکاؤنٹ میں رقم جمع کرانے کے دعویٰ پر سوال ہےجس پر بحث کرنے کی ضرورت ہے۔واضح پیغام ہے۔ ۲۰۰۹ء میں نریندر مودی کو معاشی ترقی کا اوتار بنا کر پیش کیا گیا۔ گجرات آئی این سی کے سی ای او کے طور پر جو تمام ہندوستانیوں کیلئے تبدیلی کا محرک بن سکتے ہیں۔۲۰۱۹ء میں نوٹ بندی کے دوران مودی کے بارے میں یہ بیان منہ کے بل گر گیا۔ پلوامہ دہشت گردانہ حملہ نے مودی کو یہ موقع فراہم کیا کہ وہ لوک سبھا عام انتخابات کو قومی تحفظی انتخابات میں تبدیل کر دیں۔یہ واضح ہو گیا ہے کہ ۲۰۲۴ء میں بی جے پی اپنا پیغام تبدیل کر دے گی اور نریندرمودی کو ’’ہندو ہردے سمراٹ ‘‘ کے طور پر لوگوں پر مسلط کرنے کی کوشش کرے گی۔یہ تمام چیزوں نے سوالات کھڑے کر دیئے ہیں کہ وہ اچھے دن کہاں گئے ؟سالانہ ۲؍ کروڑ ملازمت پیدا کرنے کا کیا ہوا؟ اس معاشی ترقی کا کیا ہوا اور ہر ہندوستانی کے بینک اکاؤنٹ میں پیسے جمع کرنے کا کیا ہوا؟ یہ تمام سوالات انتخابات کے دوران زیر بحث ہونے چاہئیں جو لوک سبھا انتخابات کو ہندوتوا بہ مقابلہ فلاح و بہود کی جنگ کا رخ دے رہے ہیں۔