مشرقِ وسطیٰ کی حالیہ کشیدہ صورتحال اور سفری پابندیوں کے باعث یوروپی چیمپئن اسپین اور کوپا امریکہ فاتح ارجنٹائنا کے درمیان قطر میں ہونے والا تاریخی فائنليسيما میچ منسوخ کر دیا گیا ہے۔

مشرقِ وسطیٰ کی حالیہ کشیدہ صورتحال اور سفری پابندیوں کے باعث یوروپی چیمپئن اسپین اور کوپا امریکہ فاتح ارجنٹائنا کے درمیان قطر میں ہونے والا تاریخی فائنليسيما میچ منسوخ کر دیا گیا ہے۔ یوئیفا  کے مطابق ارجنٹائنا کی جانب سے متبادل تجاویز مسترد کیے جانے کے بعد اس بڑے مقابلے کا مستقبل کھٹائی میں پڑ گیا ہے۔ خلیجی خطے میں جاری کشیدگی اور فضائی حدود کے مسائل نے کھیلوں کی سرگرمیوں کو شدید متاثر کیا ہے۔
 قطر کے لوسیل اسٹیڈیم میں ۲۷؍ مارچ کو شیڈول اس میچ کو ’’موجودہ سیاسی صورتحال‘‘ اور سیکوریٹی وجوہات کی بنا پر منسوخ کیا گیا ہے۔ قطر کی آرگنائزنگ کمیٹی نے فضائی سفر میں رکاوٹوں کے باعث اپنا فٹ بال فیسٹیول بھی منسوخ کر دیا ہے، جس میں مصر، سعودی عرب اور سربیا نے بھی شرکت کرنی تھی۔یوئیفا نے انکشاف کیا ہے کہ میچ کو بچانے کے لیے کئی متبادل آپشنز دیے گئے تھے جنہیں ارجنٹائن فٹ بال ایسوسی ایشن نے قبول نہیں کیا۔ یوئیفا نے میچ سینٹیاگو برنابیو (میڈرڈ) میں کرانے کی پیشکش کی جسے مسترد کر دیا گیا۔
 ایک میچ میڈرڈ اور دوسرا بیونس آئرس میں کھیلنے کی تجویز بھی ناکام رہی۔ارجنٹائنا نے ورلڈ کپ کے بعد میچ کھیلنے کی جوابی پیشکش کی، لیکن اسپین کے پاس اس وقت کوئی تاریخ دستیاب نہیں تھی۔اسپین کی فٹ بال فیڈریشن  نے واضح کیا ہے کہ وہ اس باوقار مقابلے کے لیے مکمل طور پر تیار تھے، لیکن ارجنٹائنا کے عدم تعاون کی وجہ سے ایسا ممکن نہ ہو سکا۔ فائنلیسیما کی منسوخی کے بعد اب اسپین ۲۷؍ مارچ کو سربیا کے خلاف دوستانہ میچ کھیلے گا  جبکہ سربیا چار دن بعد سعودی عرب کی میزبانی کرے گا۔ فٹ بال شائقین اس مقابلے کے لیے بہت پرجوش تھے کیونکہ اس میچ میں لیونل میسی اور نوجوان اسٹار لامین یامل کے درمیان ٹکراؤ متوقع تھا، جو اب ناممکن دکھائی دیتا ہے۔

یہ بھی پڑھئے:آسکر ۲۰۲۶ء: ’’ون بیٹل آفٹر اَندر‘‘ ۶؍ ایوارڈز کے ساتھ بہترین فلم

نوواک جوکووچ کندھے کی انجری کے باعث میامی اوپن ۲۰۲۶ء سے باہر
ٹینس کی دنیا کے عظیم کھلاڑی اور سابق ورلڈ نمبر ون نوواک جوکووچ نے کندھے کی انجری کی وجہ سے میامی اوپن ۲۰۲۶ء سے دستبردار ہونے کا اعلان کر دیا ہے۔ ۳۸؍ سالہ سربین اسٹار، جو میامی میں چھ بار چیمپئن رہ چکے ہیں، حالیہ انجری کے باعث ٹورنامنٹ میں شرکت نہیں کر سکیں گے۔

یہ بھی پڑھئے:پونے: نوجوانوں کی نجی افطار تقریب میں شر پسندوں کی مداخلت، ہتھیاروں سے حملہ

جوکووچ گزشتہ سال میامی اوپن کے فائنلسٹ رہے تھے، اس بار شرکت نہ کرنے کی وجہ سے وہ اپنے ۶۵۰؍ رینکنگ پوائنٹس گنوا دیں گے، جس کے نتیجے میں ان کے ٹاپ ۳؍ رینکنگ سے باہر ہونے کا قوی امکان ہے۔ حال ہی میں انڈین ویلز ماسٹرز کے چوتھے راؤنڈ میں جوکووچ کو برطانوی کھلاڑی جیک ڈریپر کے ہاتھوں ایک سخت مقابلے کے بعد شکست کا سامنا کرنا پڑا تھا۔