تمام ا نتظامات مکمل ہونے پر مکہ مکرمہ میں عسکری پریڈ ، ہزاروں فوجیوں کی شرکت ،عازمین حج کے تحفظ سے متعلق اقدامات کا عملی مظاہرہ

بدھ کو سعودی وزیر داخلہ نے حج سے متعلق حفاظتی انتظاما ت کا جائزہ لیا ۔ سعودی خبر رساں ایجنسی ایس پی اے کے مطابق سعودی  عرب کے وزیر داخلہ اور حج سپریم کمیٹی کے سربراہ شہزادہ عبدالعزيز بن سعود  نے حج سے متعلق حفاظتی انتظامات پر اطمینان کا اظہار کیا اور حج سیکوریٹی فورسیز کی شاندار سالانہ عسکری پریڈ کا معائنہ کیا  ۔ ان کے مطابق  مکہ مکرمہ کی شاندار پریڈ   میں ہزاروں فوجیوں نے حصہ لیا۔اس موقع پر حج کے دوران سیکوریٹی برقرار رکھنے کیلئے فورسیز نے عملی مظاہرہ کیا۔پریڈ کا مقصد مکہ مکرمہ اور مدینہ منورہ  میں  عازمین حج کی حفاظت کرنا اور مناسک کی ادائیگی کیلئے پُر سکون ماحول فراہم کرنا ہے۔