وزیرمالیات کے مطابق دونوں ایسے مقام پر پہنچ گئے ہیں جہاں ایک دوسرے کو اور رعایت دینے کی گنجائش نہیں۔

  نئی دہلی (ایجنسی):  ہند-امریکہ تجارتی معاہدہ کے پھرتعطل کا شکار ہونے پر وزیر مالیات نرملا سیتارمن نے بتایا کہ بات چیت ایسی جگہ پہنچ کر رک گئی ہے، جہاں سے آگے بڑھنا دونوں ممالک کیلئےمشکل ہو رہا ہے۔ وزیر خزانہ نرملا سیتارمن نے پیر کو نئی دہلی میں منعقدہ ’میونخ لیڈرس میٹنگ‘ میں  کہا کہ’’ مذاکرات اس موڑ پر پہنچ کر رک گئے ہیں جہاں نہ  ہندوستان  مزید رعایت دینے کے لیے تیار ہے اور نہ ہی امریکہ۔‘‘ وزیر خزانہ نے کہا کہ اس کے باوجود اگر آگے مذاکرات کا کوئی نیا راستہ نکلتا ہے یا کوئی گنجائش پیدا ہوتی ہے تو دونوں ممالک اس پر بات کرنے کیلئے تیار ہیں۔