فورٹ ورتھ (ٹیکساس، امریکہ) اپارٹمنٹ کمپلیکس کے باہر کھیل رہے بچوں پر ڈرائیو وے سے گزرنے والی ایک کار سے گولیاں چلائی گئیں اور ۴؍ بچوں سمیت چھ افراد زخمی ہوگئے۔ اس ضمن میں پولیس نے باقاعدہ کوئی بیان نہیں جاری کیا ہے۔

پولیس کے مطابق فورٹ ورتھ (ٹیکساس، امریکہ) اپارٹمنٹ کمپلیکس میں ڈرائیو وے پر فائرنگ کے نتیجے میں زخمی ہونے والے چھ افراد میں چار بچے شامل ہیں۔ فورٹ ورتھ پولیس ڈپارٹمنٹ کے افسر بریڈ پیریز کے مطابق بدھ کی شام ساڑھے سات بجے ۶؍ افراد پر گولی چلائی گئی۔ ان میں سے ۵؍ کو اسپتال لے جایا گیا جبکہ ایک نے علاج سے انکار کر دیا۔ اس ضمن میں پولیس نے اب تک باقاعدہ بیان جاری نہیں کیا ہے۔ کسی کی گرفتاری بھی عمل میں نہیں آئی ہے۔ 

BREAKING: Five people are being transported by @MedStarEMSInfo for gunshot wounds from an apartment complex off 3000 block of Las Vegas Trail in Fort Worth.

From what we’ve seen — most victims are of a young age. We’re awaiting more information from police. @FOX4 pic.twitter.com/NdKv6rnC7W

— David Sentendrey (@DavidSFOX4) May 2, 2024

تاہم، پولیس چیف نیل نوکس نے فائرنگ کو احمقانہ قرار دیتے ہوئے کہا کہ تشدد برپا کرنے والے ذہنی طور پر بیمار ہیں۔ کوئی اتنا پاگل کیسے ہوسکتا ہے کہ بچوں پر گولی چلائے۔ ‘‘ پیریز نے بتایا کہ زخمیوں کی عمریں ۳؍ سے ۱۹؍  سال کے درمیان ہیں اور انہیں ایک گاڑی میں سوار کسی نے گولی ماری جو اُن پر کافی قریب چلائی گئی تھیں۔ اس وقت بچے ڈرائیو وے کے قریب کھیل رہے تھے۔