وزارت ریلوےنے فیصلہ کیا ہے کہ اترا کھنڈ میں تمام ریلوے اسٹیشنوں پر موجود سائن بورڈ اردو کے بجائے سنسکرت زبان میں ہوں گے۔

نئی دہلی : وزارت ریلوےنے فیصلہ کیا ہے کہ اترا کھنڈ میں تمام ریلوے اسٹیشنوں پر موجود سائن بورڈ اردو کے بجائے سنسکرت زبان میں ہوں گے۔ وزارت ریلوے کی جانب سےجاری کردہ بیان کے مطابق اتر اکھنڈ کی دوسری سرکاری زبان سنسکرت ہے اور یہ تبدیلی قانون کے مطابق کی گئی ہے۔جس کے مطابق ریاست کی دوسری سرکاری زبان کو سائن بورڈ پر استعمال کیا جا نا چاہئے۔
واضح رہے کہ ۲۰۱۰ء میں سنسکرت کو دوسری سرکاری زبان کا درجہ دینے والی اتراکھنڈملک کی پہلی ریاست بنی تھی۔گزشتہ برس اتر پردیش حکومت نے اعلان کیا تھا کہ حکومت کے تمام پریس بیانات سنسکرت میں جاری کئے جائیں گے۔