بینک آف امریکہ کی نائب صدر ایرن پیاسینٹی (Erin Piacenti) ایک وکیل اور بینکنگ شعبے سے وابستہ پروفیشنل تھیں۔ وہ بینک کے گلوبل کارپوریٹ اینڈ انویسٹمنٹ بینکنگ ڈویژن میں کام کر رہی تھیں اور تقریباً ۱۸؍ ماہ سے بینک سے وابستہ تھیں۔

بینک آف امریکہ کی نائب صدر ایرن پیاسینٹی (Erin Piacenti)  ایک وکیل اور بینکنگ شعبے سے وابستہ پروفیشنل تھیں۔ وہ بینک کے گلوبل کارپوریٹ اینڈ انویسٹمنٹ بینکنگ  ڈویژن میں کام کر رہی تھیں اور تقریباً ۱۸؍ ماہ سے بینک سے وابستہ تھیں۔

یہ بھی پڑھئے:سادھنا کی زلفوں کا انداز مختلف تھاجو’سادھناکٹ‘کےنام سے پوری دنیا میں مشہور تھا

پیاسینٹی نے یونیورسٹی آف پنسلوانیا سے تعلیم حاصل کی اور بعد ازاں فارڈھم لا اسکول  سے قانون کی ڈگری حاصل کی، جو انہوں نے ۲۰۲۱ء میں مکمل کی۔ ان کے شوہر  فرینک پیاسینٹی  نے بھی اسی سال فارڈھم  لاسے گریجویشن کیا تھا۔ رپورٹس کے مطابق ایرن اور ان کے شوہر نے حال ہی میں اپنی   شادی کی دوسری سالگرہ  منائی تھی اور نیو جرسی کے چیسٹر  میں ایک گھر خریدا تھا۔
  یہ واقعہ  پیر، ۳۱؍ اگست ۲۰۲۶ءکو تقریباً  شام  ساڑھے ۴؍ بجے  مین ہٹن کے ٹائمز اسکوائر میں پیش آیا۔ پولیس کے مطابق ایرن پیاسینٹی سمیت دو افراد پر چاقو سے حملہ کیا گیا۔ پولیس نے واقعہ کو بظاہر  بے ترتیب اور بلا اشتعال حملہ  قرار دیا۔ پیاسینٹی کو شدید زخمی حالت میں  بیلے ویو اسپتال منتقل کیا گیا، تاہم بعد میں وہ زخموں کی تاب نہ لاتے ہوئے چل بسیں۔ دوسرا متاثرہ شخص، جس کی عمر ۶۸؍ سال  بتائی گئی ہے، حملے میں بچ گیا اور اسے اسپتال منتقل کیا گیا۔

یہ بھی پڑھئے:کانسرٹس اور فلم فیسٹیول کے باعث سرائیو میں سیاحوں کی ریکارڈ آمد، معیشت کو فائدہ

پولیس نے مشتبہ حملہ آور کی شناخت ۴۹؍ سالہ پامیلہ سسنیروس (Pamela Cisneros)  کے طور پر کی، جو کوئنس  کی رہائشی تھیں۔ حکام کے مطابق وہ شاپنگ بیگ میں دو بڑے چاقو رکھے ہوئے تھیں۔ پولیس کا کہنا ہے کہ افسران نے سسنیروس کو چاقو پھینکنے کے لیے بارہا کہا اور اسے روکنے کے لیے ٹیزر استعمال کرنے کی کوشش کی، تاہم وہ مسلح حالت میں افسران کی جانب بڑھتی رہی۔ اس کے بعد پولیس نے فائرنگ کی اور سسنیروس موقع پر ہی ہلاک ہوگئیں۔بینک آف امریکہ نے ایرن پیاسینٹی کی موت پر گہرے صدمے اور افسوس کا اظہار کیا اور کہا کہ ادارہ اس مشکل وقت میں ان کے اہل خانہ اور ساتھیوں کے ساتھ کھڑا ہے، جبکہ تحقیقات میں حکام سے تعاون بھی کیا جا رہا ہے۔  پولیس کی تحقیقات جاری ہے اور حکام اس بات کا تعین کرنے کی کوشش کر رہے ہیں کہ بظاہر بے ترتیب حملے کی اصل وجہ کیا تھی اور حملہ آور اور پولیس کے درمیان فائرنگ کی نوبت کیسے آئی۔