جمن جو ایک ہاؤسنگ سوسائٹی میں نگراں کے طور پر کام کرتے ہیں، نےبتایا کہ وہ اور شاہدہ دونوں سوروپ نگر کے رہنے والے ہیں اور تقریباً۲۰؍ برس سے ممبئی میں مقیم ہیں۔ ان کا کہنا تھا کہ وہ ہندوستانی شہری ہیں اور اس سے قبل انہیں کبھی ایسی صورتحال کا سامنا نہیں کرنا پڑا۔دی انڈین ایکسپریس  نے  ذرائع  کے حوالے سے خبر دی ہے کہ شاہدہ کو آسام لے جایا گیا اور لوگوں کے ایک گروپ کے ساتھ بنگلہ دیش سرحدپر لے جاکر اُس طرف دھکیل دیاگیا۔  بنگلہ دیش میں سات کھیڑا  علاقے میں ایک نرم دل  خاندان نے انہیں پناہ دی اور ہندوستان میں موجود ان کے رشتہ داروں سے رابطہ قائم کرنے میں مدد کی۔سات کھیڑا سے فون پر دی انڈین ایکسپریس سے بات کرتے ہوئے شاہدہ نے بتایا کہ انہیں آسام کی سرحد تک لے جایا گیا اور مبینہ طور پر سرحد پار کرکے بنگلہ دیش میں دھکیل دیا گیا۔ اس کے بعد انہوں نے کیچڑ سے بھرے کھیتوں میں کئی گھنٹے پیدل سفر کیا اور ایک مرکزی سڑک تک پہنچیں، جہاں مقامی لوگوں نے ان کی مدد کی۔جمن نے  بتایا کہ ان کے چچا سمیت خاندان کے دیگر افراد اس معاملے میں کلکتہ ہائی کورٹ سے رجوع کریں گے اور خاندان شاہدہ کو واپس لانے کیلئےہر ممکن کوشش کر رہا ہے۔