زیلنسکی کا کہنا ہے کہ ٹرمپ روس ڈیزل معاہدے کے ساتھ تاریخ کے غلط رخ پر ہیں، جبکہ پوتن ہنس رہا ہے، زیلنسکی نے ٹرمپ کے بارے میں کہا یہ افسوس کی بات ہے کہ ہم ایک مضبوط پارٹنر کھو رہے ہیں۔

ولادیمیر زیلنسکی نے ڈونالڈ ٹرمپ کے روس کے ساتھ ڈیزل معاہدے کو ولادیمیر پوتن کے لیے فتح قرار دیا ہے، خبردار کیا ہے کہ اس نے روسی لیڈر کو خوشی کا موقع دیا ہے اور امریکہ کو تاریخ کے غلط رخ پر کھڑا کر دیا ہے۔پیرس مورگن ان سینسرڈپر بات کرتے ہوئے، یوکرائنی صدر نے امریکی صدر کے روسی ڈیزل پر پابندیوں میں نرمی کے فیصلے کے بعد خود کو ٹھگہ ہوا محسوس کرنے کا اعتراف کیا۔ٹرمپ کو براہ راست خبردار کرتے ہوئے، مسٹر زیلنسکی نے کہا،’’یہ تاریخ کا صحیح رخ نہیں ہے۔‘‘واضح رہے کہ ان کا تبصرہ بدھ کو ڈاؤننگ اسٹریٹ کے دورے کے موقع پر سامنے آئے، جہاں وزیر اعظم نے ان کا استقبال کیا۔

یہ بھی پڑھئے: امریکہ: ایران پر ممکنہ حملوں میں ’’مدر آف آل بم‘‘ استعمال کرنے پرغور: رپورٹ

آئرش گارڈز کے نمبر ۱۰؍  دستوں نے  یوکرائنی صدر کی آمد کے موقع پر ایک بے مثال اعزازی گارڈ تشکیل دیا، ایسے وقت میں جب اینڈی برنہم نے ان کی قوم کے لیے ’’تاریک اور مشکل دن‘‘ قرار دیا۔مورگن کی جانب سے یہ پوچھے جانے پر کہ کیا وہ حالیہ واقعات، بشمول ٹرمپ کے ڈیزل معاہدے اور روس اور یوکرین کے درمیان توانائی جنگ بندی کے دعووں سے خود کو ٹھگہ ہوا محسوس کرتے ہیں، مسٹر زیلنسکی نے جواب دیا،’’واقعی، ہاں۔‘‘انہوں نے مزید کہا،ہمارے ملک کو زندہ رہنا ہے، اور ہم اپنے حقیقی شراکت داروں، اسٹریٹجک شراکت داروں، امریکہ اور صدر ٹرمپ پر انحصار کرتے ہیں۔‘‘
مزید برآں زیلنسکی نے نوٹ کیا کہ اگرچہ توانائی جنگ بندی ٹھیک ہے اور امن کی طرف کچھ قدم کی نمائندگی کرتی ہے، لیکن روس نے اس کا احترام نہیں کیا، جس نے یوکرین کے توانائی کے بنیادی ڈھانچے پر اپنی فضائی بمباری جاری رکھی۔بعد ازاں مسٹر زیلنسکی نے کہا، ’’یہ افسوس کی بات ہے کہ ہم ایک مضبوط پارٹنر کھو رہے ہیں۔‘‘انہوں نے مزید کہا،’’اب پوتن ہنس رہا ہے کیونکہ، میرا مطلب ہے، یہ ٖڈیزل معاہدہ اس کے لیے سادہ فتح ہے - ذہن نشین رہے کہ حالیہ دنوں میں ٹرمپ نے یہ بھی تجویز کیا ہے کہ یوکرین کو ایک نئے رہنما کی ضرورت ہے، ساتھ ہی یہ دعویٰ بھی کیا ہے کہ پوتن کیف میں حکومت سے زیادہ امن معاہدہ چاہتے ہیں۔

یہ بھی پڑھئے: ٹرمپ انتظامیہ کی الہان عمرکی تحقیقات کا مقصد شہریت چھیننے کا کیس بنانا ہے: رپورٹ

علاوہ ازیں امریکی انٹیلی جنس شیئرنگ اور ایلون مسک کے اسٹار لنک سیٹلائٹ کمیونیکیشن سسٹم کے استعمال کے بارے میں بھی خدشات کا اظہار کیا گیا ہے، جس کے بارے میں مسٹر زیلنسکی نے کہا کہ اسے بلاک کر دیا گیا ہے۔اسٹار لنک پر یوکرین فضائی حملوں سے دفاع اور روسی مقامات کو نشانہ بنانے والے طویل فاصلے کے ڈرون کے لیے انحصار کرتا ہے۔تاہم زیلنسکی نے کہا کہ ٹیک کمپنی کا فیصلہ درست نہیںہے، ساتھ ہی اس اقدام کو ایک غلطی قرار دیا جس سے مزید جانیں جائیں گی۔