آسٹریلیا کے جارح افتتاحی بلے باز ڈیوڈ وارنر کا ماننا ہے کہ ایڈ یلیڈ میں پاکستان کے خلاف ۴۰۰ رن بنانے سے چوکنے کے بعد برائن لارا کا ریکارڈ توڑنے کا ایک اور موقع ملے گا
EPAPER
Updated: December 08, 2019, 7:19 PM IST | Adelaide
آسٹریلیا کے جارح افتتاحی بلے باز ڈیوڈ وارنر کا ماننا ہے کہ ایڈ یلیڈ میں پاکستان کے خلاف ۴۰۰ رن بنانے سے چوکنے کے بعد برائن لارا کا ریکارڈ توڑنے کا ایک اور موقع ملے گا
ایڈیلیڈ : آسٹریلیا کے جارح افتتاحی بلے باز ڈیوڈ وارنر کا ماننا ہے کہ ایڈیلیڈ میں پاکستان کے خلاف ۴۰۰؍رن بنانے سے چوکنے کے بعد برائن لارا کا ریکارڈ توڑنے کا مجھے ایک اور موقع ملے گا۔ سنیچر کو آسٹریلوی بلے باز ڈیوڈ وارنر نے پاکستان کے خلاف ڈے نائٹ ٹیسٹ میں کریز پر ڈٹے رہتے ہوئے ناٹ آؤٹ ۳۳۵؍رن بنائے تھے اور اسی وقت آسٹریلیا کی ٹیم کے کپتان ٹِم پین نے اننگز ڈکلیئر کرنے کا اعلان کردیا۔
جب ڈیوڈ وارنر نے ۳۳۵؍رن کا نشانہ پار کیا تو اس وقت برائن لارا آسٹریلوی بلے باز سے ملاقات کرنے کی تیاری کررہے تھے کیونکہ انہیں لگا تھا کہ وہ ان کا ریکارڈ توڑ دیں گے لیکن پین نے اننگز ڈکلیئرکرنے کا فیصلہ کردیا۔ ڈیوڈ وارنر نے سوشل میڈیا پر برائن لارا کے ساتھ اپنی ایک تصویر اپ لوڈکی ہے۔سوشل میڈیا پر وارنر نے کہاکہ ویسٹ انڈیز کے مایہ ناز بلے باز سے ملاقات کرنا شاندار رہا۔ شاید ایک دن مجھے ان کے ۴۰۰؍ رن کوپیچھے چھوڑنے کا ایک اور موقع ملے گا۔ لارا نے بھی کہا تھا کہ انہیں لگتا ہےکہ وارنر مستقبل میں یہ کامیابی حاصل کرسکتے ہیں۔