بالی ووڈ فلم انڈسٹری میں اپنی شاندار اداکاری سے سب کو متاثر کرنے والی اداکارہ تبو کا انداز ہی منفرد ہے۔ انہوں نے اپنے کیریئر میں بہت نام کمایا ہے اور ان کی فیس بھی کروڑوں میں ہوتی ہے۔ جہاں ایک طرف وہ فلم ’’بھوت بَنگلہ‘‘ میں نظر آئیں، وہیں دوسری طرف اداکارہ نے ممبئی میں ایک پرتعیش اپارٹمنٹ بھی خرید لیا ہے۔

  بالی ووڈ انڈسٹری میں اداکارہ تبو کا نام بڑے احترام سے لیا جاتا ہے۔ انہوں نے اپنی شخصیت اور اداکاری کی مہارت سے مداحوں کے دل جیتے ہیں اور ایک خاص مقام بنایا ہے۔ ۵۰؍سال سے زائد عمر ہونے کے باوجود بھی وہ مرکزی کردار ادا کرتی نظر آتی ہیں۔ حال ہی میں تبو نے اکشے کمار اور ہدایتکار پریہ درشن کی فلم ’’بھوت بَنگلہ‘‘ میں اہم کردار ادا کیا۔ رپورٹس کے مطابق اس فلم کے لیے انہیں تقریباً ڈھائی کروڑ روپے ملے۔ عام طور پر وہ ایک فلم کے لیے۳؍ کروڑ روپے تک فیس لیتی ہیں۔ اب انہوں نے اپنی ذاتی زندگی میں ایک اور بڑا قدم اٹھایا ہے۔
اداکارہ نے ممبئی کے ورسوا میں گودریج پراپرٹیز میں سرمایہ کاری کی ہے اور۱۰؍ کروڑ روپے میں۲۱۵۳؍ اسکوائر فٹ کا اپارٹمنٹ خریدا ہے۔ انہوں نے یہ اپارٹمنٹ ۲۶؍مارچ ۲۰۲۶ء کو خریدا۔ اس پر اسٹامپ ڈیوٹی کے طور پر۲۴ء۵؍ لاکھ روپے ادا کیے گئے جبکہ ۳۰؍ ہزار روپے رجسٹریشن فیس لگی۔

یہ بھی پڑھئے:ارشد وارثی نے مزاحیہ کرداروں سے لطف اندوز کیا

ذرائع کے مطابق اس پراپرٹی کے دستاویزات میں دو کار پارکنگ ایریاز شامل ہیں، جبکہ ۱۲۷؍ اسکوائر فٹ کی بالکنی بھی موجود ہے۔ اس عمارت میں دو الگ ٹاورز ہیں اور ہر ٹاور میں ۲۴؍ منزلیں ہیں، جبکہ مجموعی طور پر تقریباً ۱۲۶؍ رہائشی یونٹس موجود ہیں۔ اداکارہ کی مجموعی دولت (نیٹ ورتھ) مختلف ذرائع کے مطابق تقریباً ۲۲؍ کروڑ روپے ہے، اور وہ سالانہ ۳؍ کروڑ روپے سے زیادہ کماتی ہیں۔ ان کے پاس بی ایم ڈبلیو اور آڈی جیسی مہنگی گاڑیاں بھی ہیں جن کی مالیت کروڑوں میں ہے۔

یہ بھی پڑھئے:’شعلے‘ سے قبل امجد خان نے ڈاکوئوں پر لکھی کتاب ’ابھی شپت چنبل‘ کا مطالعہ کیا تھا

 کام کے محاذ پر، تبو ۱۷؍ اپریل ۲۰۲۶ء کو ریلیز ہونے والی ہارر کامیڈی فلم ’’بھوت بَنگلہ‘‘ میں یشودا کا کردار ادا کرتی نظر آئیں۔ اس کے علاوہ ان کے پاس ایک تیلگو فلم اور ’’سلم ڈاگ۳۳؍ ٹیمپل روڈ‘‘ نامی فلم بھی موجود ہے۔