کم تنخواہ کی وجہ سے ٹیم انڈیا کے سابق رکن نے اس عہدے کیلئے رضامندی ظاہر نہیں کی۔ اپنے دوستوں کے مشورے پر وہ راضی ہوگئے

 ٹیم انڈیا کے سابق کرکٹر اجیت آگرکر کے ٹیم انڈیا کے سلیکٹر بننے کے ساتھ ہی ہندوستانی کرکٹ ٹیم کے نئے دور کا آغاز ہوگیا ہے۔ ہندوستانی ٹیم  کے کوچ راہل دراوڑ کی کپتانی میں کھیلنے والے اجیت آگرکرنے روہت شرما کے ساتھ طویل عرصے تک ڈومیسٹک کرکٹ بھی کھیلا ہے۔ یہی نہیں، وہ ۲۰۰۷ء میں ٹی ۲۰؍ ورلڈ کپ جیتنے والی ٹیم کا بھی حصہ تھے، جس میں روہت شرما بھی شامل تھے۔ اب جب کہ آگرکر چیف سلیکٹر بن گئے ہیں تو امید کی جا رہی ہے کہ یہ تینوں ٹیم انڈیا کی بہتری کے لئے یقینی طور پر اچھے فیصلے کریں  گے۔
 اگر رپورٹس پر یقین کیا جائے تو آگرکر کیلئے  چیف سلیکٹر بننا آسان نہیں تھا۔ اصل میں وہ چیف سلیکٹر نہیں بننا چاہتے تھے۔ سب سے بڑی وجہ بطور چیف سلیکٹر کو ان کم پیسے ملنا تھا۔ دہلی کیپٹلس ٹیم کے اسسٹنٹ کوچ کے علاوہ آگرکر مسلسل کمنٹری کر رہے تھے۔ ان دونوں کرداروں سے انہیں بھاری رقم ملی، جو بطور چیف سلیکٹر انہیں ملنے والی ایک کروڑ روپے کی تنخواہ سے کہیں زیادہ تھی۔
 اطلاعات ہیں کہ کسی نے بی سی سی آئی کو مشورہ دیا تھا کہ انہیں چیف سلیکٹر بنایا جائے اور اسی شخص نے آگرکر کو بھی منایا۔ بورڈ میں مداخلت کرنے والا یہ بڑا آدمی اجیت آگرکر کے ساتھ ٹیم انڈیا میں تھا۔ دوسری جانب اس دوران ہندوستانی ٹیم کی قسمت بدلنے کے ذمہ دار آگرکر اس وقت انگلینڈ میں ہیں اور وہاں سے انہوں نے ورچوئل انٹرویو دیا  تاہم، یہ صرف ایک قسم کی خانہ پُری  تھی، کیونکہ وہ دوڑ میں حصہ لینے والے  واحد امیدوار تھے ۔
 آگرکر کہاں ہیں اور وہ کس کے ساتھ ہیں، اگر ہم اس کے بارے میں بات چیت کرتے ہیں تو انسٹاگرام اس بگ بین کی طرف بہت سارے اشارے دیتا ہے۔ ٹیم انڈیا کے نئے چیف سلیکٹر کی تصویر انسٹاگرام پر وائرل ہو رہی ہے، جس میں وہ اپنے دوستوں سچن تینڈولکر، یوراج سنگھ کی فیملی کے ساتھ نظر آ رہے ہیں۔ یہ تصویر انگلینڈ کے شہر لندن کی ہے جہاں یہ سب لنچ کر رہے تھے۔تصویر شیئر کرتے ہوئے مایہ ناز کرکٹر سچن تینڈولکر نے لکھا’’ – کھانا اور دوستی دو وجوہات ہیں جو ہمیں قریب رکھتی ہیں۔ گروپ نے ایک شاندار دوپہر کے کھانے کے لئے ملاقات کی۔‘‘ سچن کی بیوی انجلی، یووی کی بیوی ہیزل اور آگرکر کی بیوی فاطمہ بھی تصویر میں نظر آ رہی ہیں۔

کرکٹ ایڈوائزری کمیٹی نے اجیت آگرکر کو چیف سلیکٹر بنایا 

ہندوستان کے سابق گیند باز اجیت آگرکر کو سینئر مردوں کی سلیکشن کمیٹی کے چیئرمین بن گئے ہیں۔ بورڈ آف کنٹرول فار کرکٹ ان انڈیا (بی سی سی آئی) نے منگل کو باضابطہ طور پر اس کی تصدیق کی۔
بورڈ نے ایک پریس ریلیز میں کہاکہ ’’ سلکشنا نائک،  اشوک ملہوترا اورجتن پرانجپے کی کرکٹ ایڈوائزری کمیٹی (سی اے سی) نے مردوں کی سلیکشن کمیٹی میں سلیکٹر کے عہدے کیلئے درخواست گزاروں کا انٹرویو لیا۔ سی اے سی نے متفقہ طور پر  اجیت آگرکر کی مذکورہ عہدے کیلئے سفارش کی ہے۔‘‘پریس ریلیز میں کہا گیا’’کمیٹی نے سینئریٹی  (ٹیسٹ میچوں کی کل تعداد) کی بنیاد پر مردوں کی سلیکشن کمیٹی کے چیئرمین کے کردار کیلئے بھی آگرکر کی سفارش کی۔‘‘
 قابل ذکر ہے کہ فروری میں چیتن شرما نے ایک نیوز چینل کے اسٹنگ آپریشن کے بعد چیف سلیکٹر کے عہدے سے استعفیٰ دے دیا تھا۔ یہ عہدہ گزشتہ ۵؍ ماہ سے خالی پڑا تھا۔ اس عہدے کیلئے درخواستیں طلب کرنے والے بی سی سی آئی کے نوٹیفکیشن کے مطابق  صرف وہ شخص جس نے کم از کم ۷؍ ٹیسٹ یا۳۰؍ فرسٹ کلاس میچ یا۱۰؍ ون ڈے اور۲۰؍ فرسٹ کلاس میچ کھیلے ہوں وہ سلیکٹر کے عہدے کیلئے درخواست دے سکتا ہے۔ اس کے علاوہ صرف وہی شخص جو کم از کم ۵؍ سال پہلے ریٹائرڈ ہوا تھا درخواست کیلئے اہل تھا۔ آگرکر نے۱۱۰؍ فرسٹ کلاس،۲۷۰؍ لسٹ-اے اور۶۲؍ٹی ۲۰؍ میچ کھیلنے کے علاوہ۲۶؍ ٹیسٹ، ۱۹۱؍یکروزہ اور۴؍ٹی ۲۰؍ کھیلے ہیں۔ 

اجیت آگرکر کو بی سی سی آئی کا تحفہ، تنخواہ میں زبردست اضافہ

بورڈ آف کنٹرول فار کرکٹ ان انڈیا (بی سی سی آئی) نے منگل ۴؍ جون کو سابق فاسٹ بولر اجیت آگرکر کو سینئر مینز سلیکشن کمیٹی کا چیئرمین مقرر کر دیا۔ اس کے ساتھ ہی آگرکر کی قسمت بھی روشن ہوگئی۔ بورڈ نے چیف سلیکٹر کی تنخواہ میں اضافے کا فیصلہ کیا ہے۔ اس میں ان کی سابقہ ​​رقم سے ۳؍ گنا اضافہ کیا گیا ہے۔اجیت آگرکر چیتن شرما کی جگہ لیں گے، جنہوں نے ایک متنازع اسٹنگ آپریشن کے بعد چیف سلیکٹر کے عہدے سے استعفیٰ دے دیا تھا۔ آگرکر اس سے قبل۲۰۲۳ء انڈین پریمیر لیگ (آئی پی ایل) میں اسسٹنٹ کوچ کے طور پر دہلی کیپٹلس (ڈی سی) سے وابستہ تھے۔ انہیں کچھ دن پہلے فرنچائز نے ریلیز کیا تھا۔کرک بز کی ایک رپورٹ کے مطابق  اجیت آگرکر نے ابتدائی طور پر پیش کردہ کم تنخواہ کی وجہ سے چیف سلیکٹر کا کردار ادا کرنے سے ہچکچاہٹ ظاہر کی، جو کہ  ایک کروڑ روپے تھی  تاہم  بی سی سی آئی نے صدر کے عہدے کیلئے تنخواہ میں۳؍کروڑ روپے سالانہ اضافہ کرنے کا فیصلہ کیا، جس سے آگرکر کو اپنے فیصلے پر نظر ثانی کی۔