شرمیلا ٹیگوراورسیمی گریوال نے کانز فلم فیسٹیول میں ستیہ جیت رے کو خراج عقیدت پیش کیا۔ انہوں نے ستیہ جیت رے کی فلم ’’ارین یر دن راتری‘‘ کی اسکریننگ میں شرکت کی تھی۔ یاد رہے کہ شرمیلا ٹیگور اور سیمیگریوال نے ستیہ جیت رے کی اس فلم میں اداکاری کی تھی۔

شرمیلا ٹیگور اور سیمی گریوال نے کانز فلم فیسٹیول میں ستیہ جیت رے کو خراج عقیدت پیش کیا۔

شرمیلا ٹیگور اور سیمی گریوال کی کانزفلم فیسٹیول میں شرکت
شرمیلا ٹیگور اورسیمی گریوال نے ۱۹؍ مئی ۲۰۲۵ء کو کانزفلم فیسٹیول میں شرکت کی تھی۔ شرمیلا ٹیگور نے فیسٹیول میں سبز رنگ کی ریشم کی ساڑی زیب تن کی تھی جس پر سنہرے رنگ کا زری کا بارڈر تھا۔ علاوہ ازیں سیمی گریوال نے فیسٹیول میں سفید رنگ کا لباس زیب تن کیا تھا جسے ہندوستانی کوسٹیوم ڈیزائنر کارلیونے ڈیزائن کیا تھا۔

یہ بھی پڑھئے: کے کے مینن کی سپر ہٹ ویب سیریز ’’اسپیشل اوپس‘‘ سیزن ۲؍ کا ٹیزر جاری

ستیہ جیت رے کی فلم کی اسکریننگ
دونوں اداکاراؤں نے ستیہ جیت رے کی مشہور فلم ’’ ارن یر دن راتری‘‘کی اسکریننگ میں شرکت کی تھی جسے ویس اینڈرسن نے پیش کیا تھا۔

’’ارن یر دن راتری‘‘ کے بارے میں
’’ارن یر دن راتری‘‘ کا شمار ستیہ جیت رے کی کلاسیک فلموں میں کیا جاتا ہے۔ یہ طبقاتی فرق اور جدیدیت اور روایات کے درمیان تصادم پر مبنی فلم ہے۔ فلم کی کہانی شہر سے تعلق رکھنے والے ۴؍ افراد پر مبنی ہےجو پالامو کے درخت( جو فی الحال جھارکھنڈ میں ہیں) میں پناہ لیتے ہیں اور شہر کی اپنی زندگی سے نجات حاصل کرتے ہیں۔‘‘ اس فلم میں شرمیلا ٹیگور نے اپرنا اور سیمی گریوال نے ڈولی کا کردار نبھایا تھا۔