ہسپانوی فٹ بال کلب بارسلونا نے مصر کے۱۷؍ سالہ `ونڈر کڈ اور النصر کے مایہ ناز اسٹرائیکر حمزہ عبدالکریم کو اپنی ٹیم میں شامل کرنے کے لیے کوششیں تیز کر دی ہیں۔ ٹرانسفر مارکیٹ کے مستند ماہر فیبریزیو رومانوسمیت متعدد ذرائع نے اس خبر کی تصدیق کی ہے کہ کاتالان کلب مصری نوجوان کی صلاحیتوں کا معترف ہو چکا ہے۔

ہسپانوی فٹ بال کلب بارسلونا نے مصر کے۱۷؍ سالہ `ونڈر کڈ  اور النصر  کے مایہ ناز اسٹرائیکر حمزہ عبدالکریم کو اپنی ٹیم میں شامل کرنے کے لیے کوششیں تیز کر دی ہیں۔ ٹرانسفر مارکیٹ کے مستند ماہر  فیبریزیو رومانوسمیت متعدد ذرائع نے اس خبر کی تصدیق کی ہے کہ کاتالان کلب مصری نوجوان کی صلاحیتوں کا معترف ہو چکا ہے۔
کون ہیں حمزہ عبدالکریم؟
قاہرہ سے تعلق رکھنے والے حمزہ عبدالکریم نے حال ہی میں منعقدہ فیفا انڈر ۱۷؍ورلڈ کپ میں اپنی کارکردگی سے دنیا کو حیران کر دیا۔ انہوں نے ہیتی اور وینزویلا کے خلاف شاندار گول کر کے عالمی اسکاؤٹس کی توجہ حاصل کی۔ حمزہ کو ایک روایتی ٹارگٹ مین  اسٹرائیکر مانا جاتا ہے جن کی جسمانی ساخت مضبوط اور فنشنگ (گول کرنے کی صلاحیت) انتہائی عمدہ ہے۔ انہوں نے فروری ۲۰۲۵ء میں مصر کے مشہور کلب الاہلی  کی جانب سے اپنے سینئر کیریئر کا آغاز کیا۔

🚨 𝐁𝐑𝐄𝐀𝐊𝐈𝐍𝐆: Barcelona are in talks to sign 17-year-old Egyptian forward Hamza Abdel Karim from Al Ahly. 🇪🇬

The promising striker, who impressed scouts at the U-17 World Cup, is being lined up to join Barcelona Atlètic as a first step in his development. pic.twitter.com/fWv4KpsrQa

— Africa Soccer Zone (@AfricaSoccer_zn) December 18, 2025

دائیں پاؤں سے کھیلنے والے اس اسٹرائیکر کا شاٹ انتہائی طاقتور ہے اور وہ مخالف ٹیم کے دفاعی کھلاڑیوں کو دباؤ میں رکھنے کی بھرپور صلاحیت رکھتے ہیں۔ بارسلونا کے لیے یہ سودا اس لیے بھی اہم ہے کیونکہ یکم جنوری ۲۰۲۶ء کو حمزہ ۱۸؍برس کے ہو جائیں گے، جس کے بعد وہ یورپی ٹرانسفر مارکیٹ کے قوانین کے تحت باقاعدہ معاہدہ کرنے کے اہل ہوں گے۔بارسلونا کی بی ٹیم ( بارکا ایٹلیٹک) اس وقت اسٹرائیکرز کی کمی کا شکار ہے، کیونکہ ان کے اہم کھلاڑی آسکر گسٹاؤ اور وکٹر باربیرا انجری کے باعث باہر ہیں۔ الاہلی کے صدر محمود الخطیب نے جولائی میں بارسلونا کا دورہ کیا تھا، جس کی وجہ سے دونوں کلبوں کے درمیان معاملات طے پانے کی راہ ہموار ہو چکی ہے۔فٹ بال ماہرین کا کہنا ہے کہ اگر یہ معاہدہ طے پا جاتا ہے، تو حمزہ عبدالکریم نہ صرف بارسلونا بلکہ عرب دنیا کے لیے بھی ایک بڑے اثاثے ثابت ہوں گے۔

یہ بھی پڑھئے:ایپسٹین فائلز: ڈی او جے ویب سائٹ سے۱۶؍دستاویزات غائب، ٹرمپ کی تصویر بھی شامل

فیفا ای فائنلز۲۵؍  کا شاندار اختتام 
 سعودی عرب کے دارالحکومت ریاض میں جاری دنیا کے سب سے بڑے فٹ بال ای اسپورٹس میلے، فیفا ای فائنلز۲۵؍ کا اختتام ہو گیا، جہاں فرانس نے راکٹ لیگ کے فائنل میں فتح حاصل کر کے دنیا کی بہترین ای اسپورٹس قوم ہونے کا اعزاز حاصل کر لیا۔ ۱۰؍ سے ۱۹؍ دسمبر تک جاری رہنے والے اس آٹھ روزہ ٹورنامنٹ میں دنیا بھر سے فٹ بال اور گیمنگ کے شوقین افراد نے شرکت کی۔ 

یہ بھی پڑھئے:چین نے ایشیا کا سب سے بڑا زیر سمندر سونے کا ذخیرہ دریافت کر لیا

ایونٹ کے آخری مرحلے میں فرانسیسی ٹیم، جس میں نامور کھلاڑی زین، ویٹیرا  اور جوسی  شامل تھے، نے اپنی مہارت اور بہترین حکمت عملی کی بدولت ٹائٹل اپنے نام کیا۔ فرانس نے گروپ اسٹیج سے لے کر فائنل تک ناقابلِ شکست رہتے ہوئے اپنی برتری برقرار رکھی۔ اس سال کے ٹورنامنٹ نے مقبولیت کے نئے ریکارڈ قائم کیے۔