ہندوستان اور افغانستان کے درمیان واحد ٹیسٹ میچ مہاراجہ یادویندرا سنگھ انٹرنیشنل کرکٹ اسٹیڈیم ملاں پور میں کھیلا جا رہا ہے۔

ہندوستان اور افغانستان کے درمیان واحد ٹیسٹ میچ مہاراجہ یادویندرا سنگھ انٹرنیشنل کرکٹ اسٹیڈیم ملاں پور میں کھیلا جا رہا ہے۔ ٹیسٹ کے دوسرے دن ہندوستان نے اپنی پہلی اننگز۸؍وکٹ گنوا کر ۵۶۴؍رن پر ڈکلیئر کر دی۔ شبھ من گل اور رشبھ پنت نے دوسرے دن کی شروعات میں ۴۸؍ رنز جوڑے۔ کپتان گل ۱۷۷؍ گیندوں کا سامنا کرنے کے بعد ۱۲۶؍ رنز بنا کر آؤٹ ہوئے۔ انہوں نے اپنی اننگز میں ۱۵؍ چوکے اور ایک چھکا لگایا۔ پنت نے بھی شاندار بلے بازی کرتے ہوئے ۶؍ چوکوں اور ۳؍ چھکوں کی مدد سے ۸۱؍ رنز بنائے۔ پنت اپنی سنچری سے محروم رہے۔ دھرو جوریل بلے سے اچھی کارکردگی کا مظاہرہ کرنے میں ناکام رہے اور۱۹؍ رنز بنا کر آؤٹ ہوئے۔

Innings Break!#TeamIndia declare the first innings with a massive total of 5️⃣6️⃣4️⃣/8 on the board🔥

Over to our bowlers now! 👌

Scorecard ▶️ https://t.co/Au50EfVM30#INDvAFG | @IDFCFIRSTBank pic.twitter.com/ARlzKKkQ4S

— BCCI (@BCCI) June 7, 2026

یہ بھی پڑھئے:رونالڈو، میسی، صلاح اور نیمار اپنے آخری ورلڈ کپ کو یادگار بنانے کی کوشش کریں گے

پنت اور جوریل کے پویلین لوٹنے کے بعد واشنگٹن سندر اور مناو سوتھر نے ذمہ داری سنبھالی۔ دونوں نے مل کر ساتویں وکٹ کے لیے ۸۵؍ گیندوں پر۵۴؍ رنز کی اہم شراکت داری کی۔ اپنی پہلی اننگز میں مناو۲۸؍ رنز بنا کر آؤٹ ہوئے۔اس دوران محمد سراج نے بھی ۱۲؍ گیندوں پر ۲۲؍ رنز بنائے جس میں چار چوکے اور ایک چھکا شامل تھا۔ سندر نے ایک کنارہ  پکڑا اور ۶۸؍ گیندوں پر ۵۲؍ رنز بنا کر ناٹ آؤٹ رہے، انہوں نے پانچ چوکے اور ایک چھکا لگایا۔
سندر نے سراج کے ساتھ مل کر ۲۳؍ گیندوں پر۳۰؍رنز کی شراکت قائم کی جبکہ کلدیپ یادو نے ۲۴؍ رنز جوڑے۔ کلدیپ نو رنز پر ناٹ آؤٹ رہے۔ یشسوی جیسوال نے ۲۴؍ رنز کا تعاون کیا۔ کے ایل راہل نے شاندار بلے بازی کرتے ہوئے ۱۶۵؍ گیندوں پر ۱۰۰؍ رنز بنائے۔ سائی سدرشن نے ۱۰۴؍ گیندوں پر ۸۱؍ رنز بنائے جس میں ۱۳؍ چوکے شامل تھے۔

یہ بھی پڑھئے:’میڈ ان انڈیا: اے ٹائٹن اسٹوری‘ ایک برانڈ کی نہیں لگن اور محنت کی کہانی ہے

افغانستان کی جانب سے بولنگ میں محمد سلیم صافی نے شاندار کارکردگی کا مظاہرہ کرتے ہوئے ۶؍ وکٹ حاصل کئے۔ اس دوران ضیاء الرحمن اور حشمت اللہ شاہدی نے ایک ایک وکٹ حاصل کی۔ یہ افغانستان کے خلاف کسی بھی ٹیم کا دوسرا سب سے بڑا مجموعہ ہے۔ یہ ۲۰۲۳ء کے بعد پہلا موقع ہے جب ہندوستانی ٹیم نے ۵۵۰؍ سے زیادہ رنز بنائے ہیں۔