سلمان خان کے ریئلیٹی ٹی وی شو بگ باس ۱۹؍ کی مقبول امیدوار فرحانہ بھٹ نے اپنی زندگی کے سب سے مشکل اور جذباتی فیصلے کے بارے میں کھل کر بات کی۔

سلمان خان کے ریئلیٹی ٹی وی شو بگ باس ۱۹؍ کی مقبول امیدوار فرحانہ بھٹ نے اپنی زندگی کے سب سے مشکل اور جذباتی فیصلے کے بارے میں کھل کر بات کی۔ اداکارہ نے وضاحت کی کہ وہ اپنے خوابوں کی قدر کرتی ہیں۔ یہی وجہ ہے کہ اس نے اپنے خاندان سے تعلقات توڑ لیے اور انہیں عوامی طور پر بے دخل کرنے کو کہا۔ فرحانہ نے یہ قدم اپنے خوابوں کی تکمیل کے لیے اٹھایا۔
کشمیر کی رہائشی فرحانہ بھٹ نے اپنی بے باک اور بے خوف شخصیت کی وجہ سے بگ باس۱۹؍ میں بڑے پیمانے پر توجہ حاصل کی۔ اسے شو کے دوران اپنی گالی گلوچ پر بھی کافی ٹرولنگ کا سامنا کرنا پڑا۔ شو کے بعد فرحانہ گلوکارہ اور موسیقار امل ملک کے ساتھ ایک میوزک ویڈیو میں نظر آئیں۔ اب  وہ روہت شیٹی کے اسٹنٹ پر مبنی ریئلیٹی شو خطروں کے کھلاڑی کے۱۵؍ ویں سیزن میں حصہ لینے کی تیاری کر رہی ہیں۔

یہ بھی پڑھئے:سلمان خان کے گلیکسی اپارٹمنٹ میں ۵؍ فٹ لمبا `دھامن سانپ‘ ملا

اپنے جذباتی ہنگامے کو یاد کرتے ہوئے فرحانہ نے بتایا کہ خون کے رشتوں یعنی پیاروں سے توقعات رکھنا فطری بات ہے لیکن جب مشکل ترین وقت میں کوئی آپ کا ساتھ نہ دے تو فیصلے کرنا اور بھی مشکل ہو جاتا ہے۔ایک انٹرویو میں، فرحانہ نے کہاکہ ’’میری زندگی کا سب سے بڑا خطرہ خود کو اپنے قریبی رشتہ داروں سے الگ تھلگ کرنا تھا۔ میں نے ان سے کہا کہ وہ عوامی طور پر اعلان کر سکتے ہیں  وہ ہماری نہیں ہے، یا ہمارا اس کے ساتھ کوئی رشتہ نہیں ہے۔‘‘

یہ بھی پڑھئے:بنگال میں عیدالاضحی سے قبل برادران وطن کے مویشی تاجرسخت پریشان

فرحانہ نے وضاحت کی کہ انہیں اپنے خوابوں کی تکمیل کے لیے بھاری قیمت چکانی پڑی۔ اپنے خاندان سے خود کو دور کرنے کا فیصلہ آسان نہیں تھا، لیکن اس نے اکیلے لڑنے کا حوصلہ بڑھایا۔ فرحانہ نے وضاحت کی، ’’جب واقعی آپ کے آس پاس کوئی نہیں ہوتا، صرف آپ اور آپ کی ماں، اور آپ اپنے خاندان سے تعلقات توڑ رہے ہوتے ہیں، تو آپ خود کو مکمل تنہائی کے حوالے کر دیتے ہیں۔ میں نے تنہا رہنے کا فیصلہ کیا، لیکن میں اپنے خوابوں سے دستبردار نہیں ہوں گی۔ یہ میری زندگی کا سب سے بڑا خطرہ تھا۔‘‘