فیفا ورلڈ کپ ۲۰۲۶ء کے آغاز سے قبل کھیلے جانے والے ایک بین الاقوامی دوستانہ میچ میں سعودی عرب نے پورٹو ریکو کو۰۔۳؍گول سے شکست دے کر شاندار کامیابی حاصل کی ہے۔

فیفا ورلڈ کپ ۲۰۲۶ء کے آغاز سے قبل کھیلے جانے والے  ایک بین الاقوامی دوستانہ میچ میں سعودی عرب نے پورٹو ریکو کو۰۔۳؍گول سے شکست دے کر شاندار کامیابی حاصل کی ہے۔ خراب موسم اور شدید طوفان کے باعث یہ میچ تقریباً دو گھنٹے تک رکا رہا، تاہم گرین فالکنز (سعودی ٹیم) نے بہترین کھیل کا مظاہرہ کرتے ہوئے نئے کوچ جارجیوس ڈونس کی قیادت میں اپنی پہلی فتح درج کرائی۔

یہ بھی پڑھئے:رونالڈو، میسی، صلاح اور نیمار اپنے آخری ورلڈ کپ کو یادگار بنانے کی کوشش کریں گے

ایکواڈور کے خلاف ۱۔۲؍گول سے شکست کے بعد سعودی عرب کے لیے یہ کامیابی عالمی کپ سے پہلے اعتماد بحال کرنے میں انتہائی اہم ثابت ہوگی۔ موسم کی خرابی اور امریکی پروٹوکول: ٹیکساس کے کیو ٹو اسٹیڈیم میں کھیلے گئے اس میچ کے ۲۱؍ویں منٹ میں شدید گرج چمک اور آسمانی بجلی گرنے کے باعث کھیل کو روکنا پڑا۔ امریکی حفاظتی قوانین کے مطابق اگر اسٹیڈیم کے ۸؍ میل کے دائرے میں طوفان کا پتا چلے تو کھیل معطل کر دیا جاتا ہے۔ بار بار بجلی چمکنے کی وجہ سے قانوناً ۳۰۔۳۰؍ منٹ کے کئی وقفے دیے گئے، جس کے باعث میچ تقریباً دو گھنٹے تاخیر سے دوبارہ شروع ہو سکا۔
میچ دوبارہ شروع ہونے کے بعد سعودی کھلاڑیوں نے حریف ٹیم پر دباؤ بڑھایا۔ ہاف ٹائم سے ٹھیک پہلے، پورٹو ریکو کے دفاعی کھلاڑیوں کی غلطی کا فائدہ اٹھاتے ہوئے سلطان مندش نے گیند کو نیٹ میں پہنچا کر سعودی عرب کو۰۔۱؍گول  کی برتری دلائی۔

یہ بھی پڑھئے:مادھوری دکشت نے شوہر ڈاکٹر شری رام نینے کے ساتھ ہندوستان واپسی کی وجہ بتائی

میچ کے ۵۰؍ویں منٹ میں عبداللہ الحمدان نے حریف ہاف میں گیند پر قبضہ کیا اور آگے بڑھتے ہوئے گول کیپر کے اوپر سے ایک خوبصورت شاٹ کھیل کر اسکور ۰۔۲؍گول کر دیا۔میچ کے اختتامی لمحات (۸۸؍ویں منٹ) میں کپتان سالم الدوسری نے شاندار سولو رن بناتے ہوئے اکیلے ہی گیند کو گول پوسٹ میں ڈال کر اپنی ٹیم کی ۰۔۳؍گول سے فتح یقینی بنا دی۔سعودی عرب کی ٹیم ورلڈ کپ کے آغاز سے قبل ۹؍جون کو سینیگال کے خلاف اپنا آخری وارم اپ میچ کھیلے گی۔ فیفا ورلڈ کپ ۲۰۲۶ء کے اہم مرحلے میں سعودی عرب کو گروپ ایچ  میں رکھا گیا ہے، جہاں اس کا مقابلہ درج ذیل مضبوط ٹیموں سے ہوگا۔