جنوبی افریقہ کرکٹ ٹیم کے سابق کپتان ہاشم آملہ نے ویسٹ انڈیز کے بلے باز برائن لارا اور آسٹریلیا کے اسٹیو وا کو اپنا پسندیدہ کھلاڑی قرار دیا ہے جبکہ سابق مایہ ناز گیند بازنے سری لنکا کے متھیا مرلی دھرن کو بہترین اسپنر قرار دیا اور کہا کہ انہوں نے اپنے کریئر میں شان ٹیٹ سے تیز گیند باز کا سامنا نہیں کیا۔

 کراچی : جنوبی افریقہ کرکٹ ٹیم کے سابق کپتان  ہاشم آملہ نے ویسٹ انڈیز کے بلے باز برائن لارا اور آسٹریلیا کے  اسٹیو وا کو اپنا پسندیدہ کھلاڑی قرار دیا ہے جبکہ سابق مایہ ناز گیند بازنے سری لنکا کے متھیا مرلی دھرن کو بہترین اسپنر قرار دیا اور کہا کہ انہوں نے اپنے کریئر میں شان ٹیٹ سے تیز گیند باز کا سامنا نہیں کیا۔ 
    پاکستان سپر لیگ کے موقع پر اخباری نمائندوں کے ساتھ بات چیت کرتے ہوئے کہا کہ میرے کریئر کور ڈرائیو  میرا  پسندیدہ شاٹ  ہے۔آملہ نے ایک سوال کے جواب میں اوول میں کی گئی ٹرپل سنچری اور پرتھ میں کی گئی سنچری دونوں کو پسندیدہ اننگز قرار د یا ۔ 
 آملہ نے کہا کہ میں خوش قسمت ہوں کہ مجھے چند سال انٹرنیشنل کرکٹ کھیلنے کا تجربہ ہے اور اس تجربے کو نوجوانوں تک منتقل کرنا ہی سب سے اہم بات ہے۔میں بیٹنگ سمیت دنیا بھر میں کرکٹ کے بارے میں بات چیت کر کے بہت لطف اندوز ہوتا ہوں اور امید کرتا ہوں کہ نوجوانوں کے ساتھ اچھا وقت گزرے گا۔پشاور زلمی کی ٹیم کے بیٹنگ مینٹر اور کرکٹر ہاشم آملہ نے پاکستان سپر لیگ (پی ایس ایل) کے ۵؍ویں ایڈیشن کیلئے زلمی کا حصہ بننے کو اعزاز قرار دیتے ہوئے ٹیم کی بہترین کارکردگی کا عزم ظاہر کیا۔ انہوں نے کہا کہ ۲؍ سال قبل ورلڈ الیون کی ٹیم کے ہمراہ پاکستان آیا تھا اور ہم پاکستان کے ساتھ ٹی۲۰؍سیریز کھیلی تھی اور اب ۲؍ سال بعد واپس آیا ہوں ۔ انٹرنیشنل کرکٹ میں۱۸؍ ہزار سے زائد رن بنانے والے بلے باز نےپاکستان کرکٹ ٹیم کے کھلاڑیوں کو  بہت سی اہم ٹپس دی ہیں۔ اس موقع پر کامران اکمل نے کہا کہ ڈریسنگ روم میں ہاشم آملہ جیسے لیجنڈ کی موجودگی سے نہ صرف نوجوانوں بلکہ سنیئر کھلاڑیوں پر بھی بہت فرق پڑتا ہے۔