بائیں ہاتھ کے تیز گیند باز خلیل احمد بائیں ہاتھ کی کلائی میں فریکچر کے سبب ہندوستان اے کے نیوزی لینڈ اے کے خلاف دورے سے باہر ہو گئے ہیں۔

 لنکن : بائیں ہاتھ کے تیز گیند باز خلیل احمد بائیں ہاتھ کی کلائی میں فریکچر کے سبب  ہندوستان اے کے نیوزی لینڈ اے  کے خلاف دورے سے باہر ہو گئے ہیں۔خلیل کی کلائی میں۲۲؍ جنوری ۲۰۲۰ءکو لنکن میں نیوزی لینڈ اے کے خلاف پہلے غیر سرکاری ون ڈے میچ کے دوران میں بائیں کلائی میں چوٹ لگنے سے فریکچر آ گیا تھا۔ ہندوستانی کرکٹ کنٹرول بورڈ (بی سی سی آئی) نے سنیچر کو جاری کردہ ایک بیان میں بتایا کہ خلیل کے ہاتھ پر پلاسٹر چڑھایا گیا ہے اور وہ ہندوستان اے کے باقی دورے سے باہر ہو گئے ہیں۔ ان کا  اب بنگلور واقع قومی کرکٹ اکیڈمی میں ری ہیبی لٹیشن  ہو گا ۔بی سی سی آئی نے  پیسر خلیل احمد کے  متبادل کا اعلان نہیں کیا ہے ۔ خلیل نے۱۱؍ ون ڈے اور۱۴؍ٹی ۲۰؍ بین الاقوامی میچوں میں ہندوستان کی نمائندگی کی ہے، انہوں نے نیوزی لینڈ میں ۲؍ میچوں میں۶؍ وکٹ  لئے ہیں۔