ممبئی انڈینس نے اپنی بادشاہت برقرار رکھتے ہوئے تیزگیندباز ٹرینٹ بولٹ کے 30 رن پر تین وکٹوں کی بہترین گیندبازی اور کپتان روہت شرما کی 68  رن کی زبردست اننگز سے دہلی کیپٹلس کو منگل کے روز یکطرفہ انداز میں پانچ وکٹ سے شکست دے کر پانچویں مرتبہ آئی پی ایل کی چیمپئن بننے کا اعزاز حاصل کرلیا۔ 

ممبئی انڈینس نے اپنی بادشاہت برقرار رکھتے ہوئے تیزگیندباز ٹرینٹ بولٹ کے 30 رن پر تین وکٹوں کی بہترین گیندبازی اور کپتان روہت شرما کی 68  رن کی زبردست اننگز سے دہلی کیپٹلس کو منگل کے روز یکطرفہ انداز میں پانچ وکٹ سے شکست دے کر پانچویں مرتبہ آئی پی ایل کی چیمپئن بننے کا اعزاز حاصل کرلیا۔ 

دہلی نے کپتان شریس ایئر (ناٹ آوٹ 65) اور وکٹ کیپر رشبھ پنت (56) کی شاندار نصف سنچریوں سے آئی پی ایل ۔13 کے خطابی مقابلے میں 20 اوور میں سات وکٹ پر 156 رن کا قابل دفاع اسکور بنایا لیکن یہ اسکور ایسا نہیں تھا جو ممبئی کے لئے چیلنجنگ ثابت ہوتا۔ ممبئی نے 18.4 اوور میں پانچ وکٹ پر 157 رن بناکر خطاب اپنے نام کرلیا۔ پہلی مرتبہ فائنل کھیل رہی دہلی کا نیا آئی پی ایل چیمپئن بننے کا خواب ٹوٹ گیا۔ 

ممبئی نے آئی پی ایل کے 13 ایڈیشن میں پانچویں مرتبہ  یہ اعزاز حاصل کیا ہے اور یہ ثابت کردیا ہے کہ آئی پی ایل میں اس کے  مقابلہ کی کوئی اور ٹیم نہیں ہے۔ ممبئی کا یہ چھٹا فائنل تھا جس میں اس نے پانچ بار خطاب جیتا ہے۔ ممبئی نے 2020 سے پہلے  2013 ، 2015 ، 2017 اور 2019 میں  خطاب اپنے  نام کیا تھا۔ ممبئی نے پہلے کوالیفائر میں دہلی کو باآسانی شکست دی تھی اور فائنل میں بھی دہلی کو  اسی انداز  میں شکست دی۔